امثالنا المصرية

موضوع: امثالنا المصرية السبت مارس 14, 2009 10:56 pm

اكيد فى كل دوله العربيه فيها تراث او حكمه او مثل

بيتقال فى مواقف معينه ماشيه مع المثل مثلا

مثلا دي بعض امثال فى مصر

يموت الزمار وصوابعه بتلعب

اللي متحبش تشوف وشه يجي يوم وتتمنى تشوف قفاه

الحظ لما يواتي يخلى الأعمى ساعاتي ، والمكسح عجلاتي

لا تصاحب الأقرع ولا تأخذ منه نصيحة ، لو ربنا يحبه كان خلاها له صحيحه

خنفسه شافت ولادها على الخيط ، قالت : ده لولي ملضوم في خيط

الشايب لما يدلع زي الباب المخلع

في الوش مرايه والقفا سلاية

أدى البخوت لمكركتين الروس وذوات شعر خيلي بختهم موكوس

الحلوة لما تقوم من النوم ، والوحشة لما تغسل وشها كل يوم

من بره هالله هالله ، ومن جوا يعلم الله

أقلب القدرة على فهمها ، تطلع البت لأمها

المتعوس متعوس لو حطه على بابه فانوس

قليل البخت يطلع له عظم في الكرشة

قلبي على ولدى انفطر ، وقلب ولدى عليا حجر

القرعة تتباهى بشعر بنت أختها

قالوا للحرامي احلف ، قال ( جالك الفرج )

يا مصبر الوحش على الجحش

اللهم طولك يا روح على هذا اللوح

لحمتك مشغته ليه ، قالهم اصل الجزار معرفة

اللي تقول عليه موسى يطلع فرعون

قليل الأصل لا تعاتبه ولا تلوموا ، ده زي البقعة اللي لا تطلع برابسو ولا بأومو .
اللى عنده امثال تانى يضيف ......... مستنية مشاركتكم

هههههههههههههههه
و الله يا هاجر أنا مليش أووى فالأمثال
بس
حلوة أووى الأمثال ديه و عجبتنى بجد خصوصا دول
لأنى مؤمنة بيهم أووى
ههههههههه

الحظ لما يواتي يخلى الأعمى ساعاتي ، والمكسح عجلاتي

الحلوة لما تقوم من النوم ، والوحشة لما تغسل وشها كل يوم

المتعوس متعوس لو حطه على بابه فانوس

شكرا لمرورك يا ياسمينا