وبربع جنية يا بلاش

[center]

إزيكو يا جماعةعندي ليكم قصة حصلت لواحد ماعرفوش

الراجل ده كانت ظروفه على قده ومرتبه بسيط جداًالمهم كان معاه ربع جنيه وبقى محتار..

قال لنفسه أشرب عصير قصب ولا أركب الأوتوبيس..

أيام ماكان القصب بربع جنيه

لو شربت عصير يبقى مافيش مشكلة

، لكن لو ركبت الأوتوبيس يبقى هاقف أو هاقعد

لو وقفت مفيش مشكلة،

لكن لو قعدت يبقى هاقعد جنب راجل أو جنب ست

لو قعدت جنب راجل مفيش مشكلة

، لكن لو جنب ست يبقى هاعجب بيها أو مش هاعجب بيها

لو ما أعجبتش بيها يبقى مفيش مشكلة،

لكن لو أعجبت بيها يبقى اتجوزها أو مش هاتجوزها

لو ما اتجوزتهاش يبقى مفيش مشكلة،

لكن لو اتجوزتها يبقى هانخلف أو مش هانخلف

لو ما خلفناش مفيش مشكلة،

لكن لو خلفنا يبقى هنجيب ولد أو هنجيب بنت

لو جبنا بنت مفيش مشكلة،

لكن لو جبنا ولد يبقى ح ينحرف أو مش ح ينحرف

لو ما انحرفش مفيش مشكلة،

لكن لو انحرف يبقى ح يدمن أو مش ح يدمن

لو ما أدمنش مفيش مشكلة

، لكن لو أدمن يبقى هيكون معاه فلوس أو مامعاهوش فلوس

لو معاه فلوس مفيش مشكلة

، لكن لو مامعاهوش يبقى هيسرقني أو هايقتلنـ...... إيه ده؟.. يقتلني.. لا ياعم.. أشرب
عصير أحسن

[/center]

حسبى الله و نعم الوكيل
لما لو كان معاة نص جنية كان عمل اية فينا

كان يا بوبا شرب العصير بربع وركب بالربع التانى ومكنش قرفنا

ههههههههههههههه

هي دي حلاوة الحدوتة

هههههههههههههه

احمدوا ربنا انها جات لي الربع جنية

مش دولار