ياريت البنات يسمعوا كلامى فى النصايح دى

بسم الله الرحمن الرحيم


أختي العزيزة لو ربنا فك عقدتك واتخطبتي
فإليك نصائحي حتى تأخذي بخطيبك من مركب الخطوبة إلِّي محدش عارف هاترسى على إيه
إلى مثوااااه الأخير في قفص النسانيس
قصدي قفص الزوجية السعيد


أجمل ما في الخطوبة العزومات الرومانسية على أحلى محلات أكل فى البلد
واللي عمرك ماهاتشويفها بعد الجواز
المهم نصائحي لك عند أي عزومة مع خطيبك

1-الأول لازم تعرفي إن الشوكة والسكينة بيتمسكوا من إيديهم
من الطرف يعني مش من الوسط ولا م البوز زي الخنجر ولا من فوق طبعًا


العيش أوعي تفضحي نفسك وتقطعيه بسنانك ولا الرغيف نصين بأيدك وكل نص لقمة وتحشري أوعي
العيش بيتقطع بالسكينة فى الطبق وبعدين تاخدي لقمة
لقمة بالعافية قال يعني نفسك مسدودة
اضغطي على أعصابك جدااا
وبعدين لما تروَّحي إبقي حِفِّي زي مانتِ عايزه

3- الشوووربة
بند الشوربة ده مهم جدًاااا
ياريت الشوربة تتشرب من غير صوت خالص ومن غير ماتقعدي تنفخي فيها زى القهوجى اللى بينفخ فى حجر للزبون وانا عارف ان ده هيحصل دى طبيعتكم
وطبعــاً عايزك تنسى تمامًاالسلطانية اللي بتقيميها على بقك ف البيت وتدلقي على روحك
بالمعلقه وبدون صوت
سخنة ولعة برضه بدون صوت
وتسيبي تلت الطبق ع الأقل مش تميليه عشان تلهطيها لآخر نقطة


4- الرز
طبعاً بيتاكل بالشوكة أوعي إيدك تتمد ع المعلقة وتغرفي من طبق الرز وتعبي
إوعي
الرز بالشوكة وكأنك بتبوسيه مش بتاكليه

5- المكرونة
الاسباكتي برضه بالشوكة تتلف على طرف الشوكة
لحد ما تخلص وبعدين تحطيها فى بؤك من سكات
مش تشفطي المكرونة عود عود

6- السمك
مشكلة
شوفي
بتفصلي اللحم عن الشوك ..إزاي؟؟
تقطعي اللحم من النص بالطول وبعدين تفردي اللحم ع الجانبين ولما تخلصي ناحية
متقلبيش السمكة.. بلاش والنبى اتعلموا بقى
شيلي السلسلة بالشوكة والسكينة وحطيها ف جنب الطبق وكملي أكل النص التاني
وبدل الفيلم الهندي ده
نصيحة ماتكليش السمك خالص
قولي مابحبش السمك وخلصي نفسك

7- الجمبري
-إذا كنتي عارفاه-
أول ماطبق الجمبري ينزل.. بصيله بقرف واحتقار شديدين
آل يعني زهقانة من كتر أكل الجمبري الجامبو ف بيت بابـا
وأتنهدي جامد وقولي.. برضه؟؟؟
وتروحي قاطعة راس الجمبريياية بالشوكة
وياريت تنسي المصمصة دلوقتى

8- البطاطس سواء مسلوقة أو محمرة
أوعي تهرسيها وتدبيها على الرز وتدي
لا..لآ...لآ
بالشوكة حتة حتة وإنتى زي ما تكوني هاتعيطي من كتر ما البطاطس صعبانة عليكي

الفاكهة
لو الفاكهة فيها بذر.. طلعيه من بؤك بالراحة وحطيه فى إيدك وهي مقفولة
وبعدين فى طفاية السجاير اللي على الترابيزه
أوعي يا بنتى من نظام التفتفة للبذر
إنسي

10- ولما تخلصي أكل تحطي إيدك على بطنك
اللي عصافيرها بتصوصو من العينات اللي كلتيها.. وتقولي له مش ممكن
أنا عمري ما اتفجعت كدة
أنا أودامي أسبوع هابطل أكل فيه اسبوع قال

وبعدين تمسكي الفوطة اللي دايمًا موجودة على التربيزة من غير لازمة
وتبوسيها
آل يعني بتمسحي بؤك
التوليت لإصلاح ماكياجك

وتخشي التواليت وتطلعي من شنطة إيديك
لفة الفول والطعمية اللي جايباها معاكي
وبالهنا والشفـــا



الموضوع للفرفشة فقط

اما هو للفرفشة فقط حطه في الشباب ليه بقى يا ميمي شفت ازاي نيتك وحشة
بس النصايح دى مش غريبة انها منكوا انتوا في ناس تانية يتقالها الكلام دة هههههههههههه
رد للفرفشة فقط

هههههههههههههههههههههههه
جامد جدا
بس بردوا لازم الشباب يخدوا بالهم من كداااااااااااااااااااااااا

عندك حق وشكل ميمى خبره فى الحاجات ديه ههههههههههههههههههه

يابابا بلاش انت او اي راجل تاني يجيبو سيرة الاكل لان الفضايح بتبقي رهيييييييييييييييييبة وعلي رأيك يارورو شكله خبره

وانا هزل نفسى ليه بلاش من العزومه دى اصلا بس سيبك يا ميمى شكلك خبره فى الشكليات دى هههههههههههههه

la2 3ala fakra anta zalmna mooooooooooot ya meme a7na wlad nas bardo loooooooool

موضوعك حلو بس انا شايفة انى لما بخرج مع حبيبى مابعملش كده بآكل بطبيعتى جدآآآآآآآآآآآوبقوله انى جعانة وعادى
ومش بمسك شوكة ولا سكينة لان ده حبيبى يعنى مش هتكسف منه ولا همثل عليه انى اكلتى ضعيفة بقى ورقيقة والشغل ده بالعكس هو عارف انى اكيلة جدآآآآآآآآآآآآآآ.الصراحة حلوة

انا رأيى من رأى نورسين مدام هو حبيبى لازم يعرفنى على حقيقتى