| | الحلقة التالتة مع منايا.. ياسمين و الناس التانيين |  |
|
|
| كاتب الموضوع | رسالة |
|---|
JasMinaa
مشرفه قسم
  
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5711
تاريخ التسجيل : 14/09/2008
 | موضوع: الحلقة التالتة مع منايا.. ياسمين و الناس التانيين  الخميس مارس 19, 2009 12:12 am | |
| بسم الله الرحمن الرحيم
أعذائى النجوووم
وحشتونى جدا و آسفة ع التأخير.. ده كان لأسباب خارجة عن ارادتى ونفسويتى
أهلا بيكم ف حلقة جديدة و مميزة طبعا كالعادة و مع عضوة مش عادية
معايا النهاردة حاجة كده سبيشيال
المشرفة العسولة
ضيفة الحلقة التالتة من البروجرام .. هى
Monaia
منى يا قمر .. لو قولتلك عرفينا بنفسك فسطرين .. هتقولى ايه ؟
طبيعة دراستك ايه .. و كنتى تحبى تكونى ايه ؟
منى أنتى عندك هوايات ؟
تحبى لما تتخرجى إن شاء الله تشتغلى ايه ؟
مين مثلك الأعلى أو قدوتك ؟
اشمعنا اخترتى اسم منايا ؟
طيب لو كلمتك عن المظاهر .. هتقولى ايه و هل بتهتمى بيها ؟
تحبى تبقى دبلوماسية ؟
بتهتمى بالأخبار السياسية ؟
ايه أخبارك بقا مع صحابك ؟
قوليلى كام صفة لازم يكونو موجودين فى صحاب منى ؟
يا ترى يا منى أنتى شايفة عيوبك .. لو فيه عيوب ايه هما ؟
ايه رأيك ف الحب و الارتباط ؟
بتهتمى بكلام الناس ؟ و بتصدقيه ساعات ؟
دلوقتى بقا عوزاكى تشربى عصيرك و تعيشى و تاخدى راحتك عشان الحوار هيطول
مورناش حاجة أدينا قاعدين ف الاستوديو
الا قوليلى يا منى ايه رأيك ف الحاجة أم زينهم مسئوولة العلاقات العامة .. مجننانى
الكوافير بتاعى عجبك ؟
ههههههههههه
لحد متجاوبى يا منايا هنروح لفاصل و راجعين تانى
| |
|
 | |
monaia
مشرفه قسم
 
عدد الرسائل : 2080
تاريخ الميلاد : 17/10/1990
العمر : 33
العمل/الترفيه : بنوتة
التاريخ : 17/10/1990
نقاط : 6352
تاريخ التسجيل : 13/08/2008
| | موضوع: رد: الحلقة التالتة مع منايا.. ياسمين و الناس التانيين الخميس مارس 19, 2009 1:53 am | |
| معايا النهاردة حاجة كده سبيشيال
المشرفة العسولة
ضيفة الحلقة التالتة من البروجرام .. هى
Monaia
ميرسي ليكى ياجاسي...
ده بس من زوقك...
منى يا قمر .. لو قولتلك عرفينا بنفسك فسطرين .. هتقولى ايه
انا بنوتة عادية عندى 18 سنة...
بحب اللعب والضحك والهزار والجرى والشقاوة...وبحب كل حاجة فى الدنيا...
ومبحب شان حد يكدب عليا ولا انه يحاول انه يخلينى مغفلة....
كمان بكرة الروتين الممل والاتكالية والوساطة...
طبيعة دراستك ايه .. و كنتى تحبى تكونى ايه ؟
انا كلية تربية ...تانية قسم علم نفس...
كنت احب اكون حاجات كتير..
يعنى وانا صغيرة اوى حبيت اكون رائدة فضاء...
ولما كبرت شوية كان نفسي افتح ورشة ميكانيكا..
وبعديها كان نفسي نبقي دكتورة اطفال...
وبعدين قلت ابقي مهندسة ديكور...
وبعد كدة قررت انى اكون صحفية كبيرة...
بس للاسف مجموعى خانى فى ثانوى ومساعدنيش على انىادخل المجال ده..
حاولت ادخل حقوق بس مامتى موافقتش...
وانتهى بيا الحال...
فى كليتنا اللطيفة ديه...
واهى ماشية...
منى أنتى عندك هوايات ؟
اها...
انا بحب الرسم اوى...
وكمان الغنى والموسييقي...
وببحب الشات كتير بس مش مدمنة فيه...
وكنت بحب اقرا زمان وواقات بكتب خواطر...
تحبى لما تتخرجى إن شاء الله تشتغلى ايه ؟
بصي انا ان شا الله لمااخصل دراستى ناوية افتح مشروع كبير دار حضانة على مستوى عالى...
هيكون فيه ناس كبيرة ومتخصصين فى مجال رعاية الطفل وتاهيله...
هنحاول فيه اننا نلم بكل حاجات الطفل الاساسية ونساعدة على انه يشبعها...
وكمان نفسي اعمل دراسات عليا فى السيكوباثولوجى...
مين مثلك الأعلى أو قدوتك ؟
مامتى...
لانى بحبها اوى..
ولانها من اقوى الشخصيات اللىانا عرفتها...
ومن اعظمهم...
كمان بحب اوى الملكة رانيا ..
لانها بسيطة جدا ومحبوبة اوى وعطوفة بشكل كبير..
.طيب لو كلمتك عن المظاهر .. هتقولى ايه و هل بتهتمى بيها ؟
بصي هابقي بكدب لو قلتللك انى مش بهتم فيها...
لا انا بهتم فيها بس مش بمقدار عالى...
لاننا فى مجتمع اكتر افراده مقتنعين بالفكرة ديه ومسلمين بيها ...
ومقتنعين بان المظاهر اهم كبتير من الجوهر...
فى حين انا بعتقد ان الجوهر والشخصية هما الاساس...وان المظهر مهم وضروري بس مش الضرورى والاساسي...
حلو اوى انك تهتم بمظهرك الخارجى..بس الاحلى لو قدرت تتاكد من نضافة روحك وانها تكون خاليه من اى حقد وغيره وانانية... | |
|
| | |
monaia
مشرفه قسم
عدد الرسائل : 2080
تاريخ الميلاد : 17/10/1990
العمر : 33
العمل/الترفيه : بنوتة
التاريخ : 17/10/1990
نقاط : 6352
تاريخ التسجيل : 13/08/2008
| | موضوع: رد: الحلقة التالتة مع منايا.. ياسمين و الناس التانيين الخميس مارس 19, 2009 6:02 pm | |
| اشمعنا اخترتى اسم منايا ؟
ههههههههههههههههههههة..
بصي انا مااخترتش...
انا بس حسيت وحبيت...
حسيت بالاسم اوى وعجبنى جدا من بدرى وحبيته جدا ويمكن من احب الاسماء ليا...
غير انه جديد ومش متداول ومش مالوف عند ناس كتير...
فاحسيت انه هيسيب اثر اكبر عند الناس من اى اسم تانى ..خصوصا لما بدات ادخل كتير فىعالم النت والشات والمنتديات ...
وبعدين انتىاكتر واحدة عارفة...
نحن دائما نسعى للتميز...
ههههههههههههههههههههة..
لا حقيقي بجد انا كتير بحب الاسم ده اوى ..اكتر من اى اسم تانى...
تحبى تبقى دبلوماسية ؟
لا ماعتقدش انى محتاجة للصفة ديه فى حياتى...
لان النا سملوا من وجود الصفة ديه فى كتير من الناس المهمين حوالينا المعروفين علطول بردودهم المحفوظة والدبلوماسية....
فمعتقدش انى ممكن في يوم احتاج انىابقي كدة او البلد محتاجة حد واحد زيادة على عدد الناس الدبلوماسيين...
كدة بيتهايلى كفاية اوى عليهم...
بتهتمى بالأخبار السياسية ؟
لا مش دايما...
يعنى عنواين بس...
ايه أخبارك بقا مع صحابك ؟
لا الحمد لله تمام اوى..
واحلى مافي الايام ديه انى كل يوم بكسب صداقات جديدة ...
وانا سعيدة بكدة اوى...
قوليلى كام صفة لازم يكونو موجودين فى صحاب منى ؟
بصي هيا صفات العادية ..يعنى مش المستحيلة ولا من برة المنهج...
والاساسيات اوى...انهم يكونوا صارحيين معايا ..وصادقين..وامناء...وكمان انه يكونوا بيحبونى بجد بعيد عن اى مصلحة...
ومش انانين...وبيخافوا ربنا فى افعالهم وتفكيرهم....
علشان يقدروا انهم يحترمونى بجد ويحترموا فكرى ...وعلشان نعرف نتعامل..
بس الباقي بقي الصفات العادية...
يا ترى يا منى أنتى شايفة عيوبك .. لو فيه عيوب ايه هما ؟
اها انا بشوف عيوبى..وبلاحظها يمكن اكتر من اى حد تانى يعرفنى...
لانى علطول بدور عنها ...وبشوفها لما بشوف نفسي فى المراية....
وبحاول اصلحها او اقللها...
بصي يمكن انا بحس ان عيوبى مش كتير...مش غرور...
بس بحس ان عيوبى مش بتضر حد بس بتضرنى انا...
يعنى يمكن من عيوبى انى بتعامل بطبيعتى اوى مع اى حد ومع كل الناس...وبحب كل الناس ...من قبل مااعرفهم ...
وكمان انا كتير بس بسامح بس للاسف انا مبقدرش انسى الاساءة ابدا...
غير انى لو فقدت ثقتى فى حد ...للاسف مش بترجع تانى ابدا...
ايه رأيك ف الحب و الارتباط ؟
الحب ده اجمل حاجة فى الدنيا...اسمىالمباديء . وبحبك ديه....ارق واحن كلمة ممكن حد يقولها للى بيحبه...
الحب هو اصل البشرية واصل الحياة..وباعتقادى ان الحب زى المياة منقدرنش نعيش من غيرها وعلطول لازم يكون معانا..لانه بجد فينا كلنا وحسين بيه دايما...
اما الارتباط بقي ده اهم جزء فى الارتابط واصعب جزء كمان ..هو مهم لانه شيء اساسي ان اللى بيحب حد بيكون هو الانسان ده او الشخص ده اللى هابقي معاه علطول طول الوقت ..وطول لما ربنا معيشنى علىالارض...غير ان الارتباط ده بيكون مهم اوى خصوصا لما الاتنين يحبوا انهم يتوجوا قصة حبهم بالارتباط ...اما اصعب جزء لانه مهم جدا وبيغير حاجات كتير فى حياة الاتنين..لانهم بيبقوا جزء واحد كيان واحد ...يعنى كل حد خايف على التانى ..ومبقتش العلاقة مجرد اتنين بيحبوا بعض وفيه خلاف عادى..لا بقي الموضوع حاجة مقدسة وعشرة وبقت فيه حاجة اكبر بكتير من الحب والغرام...الاتنيتن بيكونوا شايلين نفس الحمل ونفس المشاكل ...
ده من وجهة نظرى...
بتهتمى بكلام الناس ؟ و بتصدقيه ساعات ؟
انا كنت بهتم فى الناس وفى كلامهم...بس بعدين قررت انى طول لما انا راضية ربنا وراضية اهلى وضميرى فى تصرفاتى وافعالى وتفكيرى...وطول ماانا متاكدة انى مش بغلط...
يبقي مش من حقهم انهم يحكوا فى تصرفاتى او ينقدونى...
لا مش بياثر فيا كلامهم....لانى مش ببنى وجهة نظرى على الشخصية اللى قدامى عن طريق حكى ناس..
من غير دليل ولابرهان ..ومن غير مااكون موجودة فىالموقف...
عصير ايه بس ياجاسي ...
انا طلبت نص فرخة...
ههههههههههههههة..
احنا متفقناش على كدة...
قوليلى يا منى ايه رأيك ف الحاجة أم زينهم مسئوولة العلاقات العامة؟؟؟
ست زى الفل...بس انا من وقت لما اجيت وهيا بتقطع بسلة وبتحشي محشي....
انا افتكرت ان الحجة ديه عازمانا ولا كدة...
معرفتش غير منك ان الحج ابو زينهم راجع النهاردة من العراق...
يالا الله يسهله ياعم...
كوافير ايه ياجاسي...
انتى مش محتاجة اصلا...
وبعدين هو مااضفش حاجة جديدة...
شعرك لسة اصفر ولسة عيونك رمادى...
متقلقيش انتى لسة شقراء ...ههههههههههههههههة..
فاصل وهنفاصل....
... ♥ ♥ ♥♫ ♥ ♫ ♥♫ MOoONAIA♫ ♥♫ ♥♫ ♥ ♥ ♥ | |
|
| | |
JasMinaa
مشرفه قسم
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5711
تاريخ التسجيل : 14/09/2008
| | موضوع: رد: الحلقة التالتة مع منايا.. ياسمين و الناس التانيين السبت مارس 21, 2009 4:05 pm | |
| ورجعنا تانى أعذائى النجوم بعد فاصل طويل
و ده غصب عننا طبعا
أصل كل ما فى الموضوع أن منى خبطت ف الحاجة أم زينهم أثناء الحوار و طبعا الست ديه شرانية و مش هتسكت
فكلمة من هنا على كلمتين من هناك
الاستديو اتقلب
ليه بقا .. لأنها أصلا متغاظة من منى من ساعة مدخلت البلاتو
حد هيسألنى يقولى و تتغاظ ليه من منى .. اقوله طبيعى جدا لأن منى عسولة و قمر و ديه ست ما يعلم بيها إلا
المولى سبحانه و تعالى
مااااا علينا
هنشيل فالمونتاج
المهم
مكلمين الحوار مع مشرفة البنات القمر
بقولك ايه يا منى .. هل فيه أسئلة متحبيش حد يسألهالك ف حياتك العادية . محظورات مثلا ؟
ايه رأيك فالقيادة و تحبى تكونى قائد ؟
أنتى من الناس اللى بتعرف هيا عاوزة ايه ؟ ولا بتسبيها على ربنا ؟
ايه أول الحاجات اللى ممكن تلفت انتباهك لأى شخص بتشوفيه لأول مرة .. بنات أو ولاد ؟
واضح أنك شخصية متعددة الجوانب و المواهب .. طيب ده بيحسسك بأيه و هل حساسيتك بقت زايدة بسبب كده ؟
أنتى أختارتى مامتك تكون مثلك الأعلى .. حاجة جميلة طبعا .. و بمناسبة أن النهاردة عيد ألام . هتقوليلها ايه ؟
حد غدر بيكى قبل كده .. لو آه يا ريت تقوليلنا رد فعلك كان ايه ؟
بما أنك رومانسية جدا .. تحبى الانسان اللى مرتبطة بيه يعاملك ازاى ؟
بما أن نسبة الامبالاه زادت و الغلاسة بتزيد .. أنتى عمرك كرهتى حد أووى ؟
طيب عمرك وجهتى لحد كلام مباشر بما معناه أنك قولتى لحد أنا بكرهك و مش عاوزة اعرفك تانى ؟
أمتا بقا منى تفكر أنها تتنازل عن حد من صحابها ؟
بصى يا ستى .. انا عارفة أنك عندك صحاااب كتير . بس أكيد فيه ناس قريبين من قلبك
كم عدد أقرب صحاب ليكى و لو قدرتى تقولى أسماء إتس أوكى ؟
أمتا بتضطرى لأنك تكدبى ؟
بصى أنا هقولك أنواع من الناس من خيالى و عاوزة رأيك فيهم و يا ريت لو فى منهم قابلتيه ف الحقيقة توجيهلو كلمة
حد بيتكلم كتير
عصبى
ساذج
بيغلط كتير
حد مش لاقى نفسه
حد معدوم المواهب | |
|
| | |
monaia
مشرفه قسم
عدد الرسائل : 2080
تاريخ الميلاد : 17/10/1990
العمر : 33
العمل/الترفيه : بنوتة
التاريخ : 17/10/1990
نقاط : 6352
تاريخ التسجيل : 13/08/2008
| | موضوع: رد: الحلقة التالتة مع منايا.. ياسمين و الناس التانيين الأحد مارس 22, 2009 12:29 am | |
| بقولك ايه يا منى .. هل فيه أسئلة متحبيش حد يسألهالك ف حياتك العادية . محظورات مثلا ؟.جاسي ياقمر انا حياتى كلها تقريبا كتاب مفتوح ممكن اى حد يقراه بسهولة ويفهمه كمان بسهولة....لكن انا كمان عندى حاجاتى الخاصة اللى مبفضلش اى حد يحاول انه يقحم نفسه فيها...محظورات بقي زى...ليه لما كنتى مرتبطة ب......سيبتوا بعض...ليه؟؟؟؟ايه السبب؟؟؟يعنىالكلام عن الارتباطات او الاستايل مثلا...تلاقي حد كدة ميعرفكيش اصلا...ويقول علفكرة البلوزة ديه هتبقي احلى على الجيب ...ويتدخل كدة ...بكون وقتها هخنقه ...وانت ماللك اصلا...شيء سخيف....كمان فيه محظورات ان حد يناقش فيها...يعنى اى موضوع عن عيلتى الصغيورة ...عن الدين وعلاقتى بربنا...عن علاقاتى مع الشخص كزا....بس يعنى...ايه رأيك فالقيادة و تحبى تكونى قائد ؟بصي القيادة ديه حاجة اساسية فى اى تجمع من الناس...وطبيعى انها ترتبط بنظام معين وباهداف ...للجماعة ديه..بس عامة انا شوية قيادية ...بس مش لوحدى..يعنى انا مباخدش اى قرار لوحدى لازم بيبقي فيه حوار ومناقشة حتى لو كان الموضوع صغير جدا وميستحقش ده...وبحب اكتر لما نكون كلنا قائد...يعنى كلنا نفكر والقرار الصح ننفذه...لان بيتيهالى ده بيبقي الاصحاب والمتفاهمين افضل...تجنبا لاى مشاكل...أنتى من الناس اللى بتعرف هيا عاوزة ايه ؟ ولا بتسبيها على ربنا ؟طبعا انا مخليها على ربنا...بس فى نفس الوقت عندى اولياتى فى الحياة اللى بحاول انى ابقي معاها واحدد اهدافي كويس ...وكمان اختار الطريق المناسب علشان احققها..بس اوقات كدة بتوه شوية...بس اوام بحاول الاقي نفسي من تانى...ايه أول الحاجات اللى ممكن تلفت انتباهك لأى شخص بتشوفيه لأول مرة .. بنات أو ولاد ؟ههههههههههههههههههههههههههههة...ماشي ياسيتى..بما انى علم نفس فانا عندى قدرة غريبة انى اربط الاشياء ببعض..وده سر المهنة...فى البنوتات ..اكتر حاجة بتلفت نظرى فيهم..ضوافرهم...وعينيهم ...واستايل اللبس...والبرفن طبعا...اما بقي فى الولاد..فاكتر حاجة بتشدنى...الضوافر...عينيهم...والكوتشى ولا الجزمة....وكمان الاكسسوارت اللى ممكن يستعملوها... واضح أنك شخصية متعددة الجوانب و المواهب .. طيب ده بيحسسك بأيه و هل حساسيتك بقت زايدة بسبب كده ؟اها . طبعا ياجاسي ...حلو اوى ان الواحد يكون موهوب...وقد ايه ده بيديه ثقة كبيرة في نفسه..بس فى نفس الوقت الموضوع ده خلانى ابقي ناقدة قاسيةاوى مع حالى...انا فى اى حاجة ممكن اعملها غلط مثلا انقد نفسي فيها والوم نفسي كتير بسببها...بس كمان انك تخرجى الكبت اللى جواكى فى شيء اننتى بتحبيه وتشوفي نتاج عمللك ده ...قد ايه بتكونى مبسوطة وقدا ايه بتكونى سعيدة...أنتى أختارتى مامتك تكون مثلك الأعلى .. حاجة جميلة طبعا .. و بمناسبة أن النهاردة عيد ألام . هتقوليلها ايه ؟ههههههههههههههههههههههههة....هاقولها ..بجد بجد ربنا يخليها ليا علشان هيا احلى حاجة فى حياتى...ومن غيرها بجد انا ولا حاجة...ومش قادرة اتخيل انى اكون من غيرها...وانى بحبها كتيررررررررررررررررررررررررررررررررررر اووووووووووووووووى...لحد لماا اموت...وكل سنة وكل الامهات طيبيات...,وربنا يخليهم لينا عطول...... ♥ ♥ ♥♫ ♥ ♫ ♥♫ MOoONAIA♫ ♥♫ ♥♫ ♥ ♥ ♥ | |
|
| | |
JasMinaa
مشرفه قسم
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5711
تاريخ التسجيل : 14/09/2008
| | موضوع: رد: الحلقة التالتة مع منايا.. ياسمين و الناس التانيين الأحد مارس 22, 2009 12:32 am | |
| - monaia كتب:
قوليلى يا منى ايه رأيك ف الحاجة أم زينهم مسئوولة العلاقات العامة[
ست زى الفل...بس انا من وقت لما اجيت وهيا بتقطع بسلة وبتحشي محشي
افتكرت ان الحجة ديه عازمانا ولا كدة
معرفتش غير منك ان الحج ابو زينهم راجع النهاردة من العراق
كوافير ايه ياجاسي
انتى مش محتاجة اصلا
وبعدين هو مااضفش حاجة جديدة
شعرك لسة اصفر ولسة عيونك رمادى
متقلقيش انتى لسة شقراء ...ههههههههههههههههة
فاصل وهنفاصل
... ♥ ♥ ♥♫ ♥ ♫ ♥♫ MOoONAIA♫ ♥♫ ♥♫ ♥ ♥ ♥
أحب أعقم تعقيم صوغن ع الحته ديه
أفهم من كده يا منى أنك بتشككى فقدرات الست ديه ؟؟
و بعدين هيا بتحضر الاكل عشان جوزها زى منتى عارفة بس هوا مش كان فالعراق
هوا كان طفشان منها بس موضوع العراق ده ( كلام فسرك ) تمويــه ههههههههههه
بالنسبة للشقار أنتى عارفة الشمس و عاميلها يختى
ههههههههههههه
| |
|
| | |
monaia
مشرفه قسم
عدد الرسائل : 2080
تاريخ الميلاد : 17/10/1990
العمر : 33
العمل/الترفيه : بنوتة
التاريخ : 17/10/1990
نقاط : 6352
تاريخ التسجيل : 13/08/2008
| | موضوع: رد: الحلقة التالتة مع منايا.. ياسمين و الناس التانيين الأحد مارس 22, 2009 11:41 pm | |
| حد غدر بيكى قبل كده .. لو آه يا ريت تقوليلنا رد فعلك كان ايه ؟
بصي هو ده بيتوقف على نوع الغدر...يعنى انا عن نفسي بعتبر ان الكدب ده غدر...وان ح يخبي عنى حاجة واحنا اصحاب ده غدر..انه حد يوعد وميوفيش ده غدر...
فلو حد غدر بيا...
يبقي حدود مش حد واحد...
رد فعلى حسب الموقف...انا ممكن اسامح فى اى حاجة فى الدنيا ...بس الا الكدب وانى ابقي مغفلة...
لانى صريحة لابعد الحدود...فلو حد كدب عليا وسامحت مرة واتنين..
التالتة بتبقي النهاية ...
مهما كان الشخص عزيز عليا لما يكدب عليا ...يبقي الموضوع منتهى...
بما أنك رومانسية جدا .. تحبى الانسان اللى مرتبطة بيه يعاملك ازاى ؟
يعاملنى كانسانة...ليها راى وليها تفكير وليها ارادة وليها حقوق...
واكيد لازم احس فيه خوفه عليا والمس جواته حبه ليا...واحس بانى حبيبته ورفيقته وصديقته واخته ومامته الصغيرة....والكبيرة..وبنته ...
ولازم يبقي رومانسي ...هيا صعبة شوية...بس هو كدة...بقي
ههههههههههههة...
انا مش طالبة منه انه يعاملنى كملكة ...ولا اميرة...بس يعاملنى زى ماهو حابب انىاعامله...
بما أن نسبة الامبالاه زادت و الغلاسة بتزيد .. أنتى عمرك كرهتى حد أووى ؟
لا انا عمرى ماكرهت حد....انا ممكن مبحش تصرفات الشخص ده ...ولا تفكيره..بس كره كره لا مستيحل...
بس انتىمعاكى حق ..نسبة الامبالاة والرخامة بقت اوفر ...وبقت فى كل مكان..
بس مرة محبيتش ....,فى موقف معين ..لانه سبب ليا حالة من الازعاج البشع ..
((بدون زكر اسامى بقي...الله يمسيها بالخير الشخصية ديه....))
طيب عمرك وجهتى لحد كلام مباشر بما معناه أنك قولتى لحد أنا بكرهك و
مش عاوزة اعرفك تانى ؟
لا مش بنفس النص...
لانى مبكرهش حد اصلا مهما حصل...
بس اكيد حصل انى قلت للاشخاص كتير وجعونى...
انا مش عاوزة اعرفكوا تانى..ولا اشوفكوا اصلا.ولو صدفة....وياريت تخرجوا من حياتى...
أمتا بقا منى تفكر أنها تتنازل عن حد من صحابها؟؟
صعب اوى انى اتنازل عن حد من اصحابي...
بس لو حصل هيكو ن خلاص انا صبرى خلص..وده ممكن يحصل لو حد كدب كيتر ..ولا غلط فى حقى..ولا....
بس وقتها ممكن افكر فى الموضوع ده..
بس مش هلجا ليه الا لو اخر الحلول...
بصى يا ستى .. انا عارفة أنك عندك صحاااب كتير . بس أكيد فيه ناس قريبين من قلبك
كم عدد أقرب صحاب ليكى و لو قدرتى تقولى أسماء إتس أوكى ؟
هههههههههههههههههههههههة...بصي بجد ده احلى سؤال انا ممكن اتساله واحلى اجابة بجد...لان مجرد الحكى عنهم بيريحنى وبيخلينى مبسوطة..بجد ربنا يخليهم ليا...
بجد وحياة ربنا اصحابي هما احلى مافى حياتى...وهما اللى مخلين للدنيا طعم حلو...
انا كتير بحبهم وواثقه في حبهم ليا.
لا عدد صعب اعد ..لانهم الحمد لله مش قليلين وكلهم قريبن من قلبي...
يمكن اللى من الناس اللى من الكلية والمنتدى...
ياسمين وانتى طبعا ياجاسي..وروكا ..وايمو...وميرو...وددونى...وبوبة...ورونى...ومونى...وتيجو ..وتوتى ..
وحوكا..وطوفى وميمى وروميو وطوق النجاة طبعا ...ههههههههههة..
ومنعم ومجد وماااك ومحمود...
بس هما دول اللى فى بالى دلوقتى...
أمتا بتضطرى لأنك تكدبى ؟
لو ضرورى...علشان اصلح بين اتنين...او اخفف من تهويل صدمة...
او اهدى حد...او ممكن اجامل حد ...
بس انا مبحاولش اعرض نفسي لمواقف تانية ممكن اكدب فيها..
لان الكدب ده ابشع حاجة فى الدنيا...
بصى أنا هقولك أنواع من الناس من خيالى و عاوزة رأيك فيهم و يا ريت لو فى منهم قابلتيه ف الحقيقة توجيهلو كلمة
حد بيتكلم كتير
لو رغاى كدة زى...هيبقي رخم اوى..
بس لو بيحكى فى حاجة مش ليه ....زى مانا بشوف كتير...
فياريت ياخد باله من السلمة المكسورة وهو نازل ...
لانه لو متكعبلش فيها والنور موجود...
هيتكعبل فيها والنور مقطوع...
يعنى كما تدين تدان...
عصبى
صفة سخيفة اوى..... وصعبة ..
وممكن نخسر حاجات كتير مهمةفى حياتنا بسببها..
وطبعا ناس كتير وانا اولهم بعانى من الصفة الوحشة ديه...فياريت كلنا مناخدش كل حاجة على اعصابنا ونهدى ونفكر قبل مانتعصب وقبل ماناخد اى قرار...
ساذج
ليه..يعنى..؟؟
ههههههههههة..
لا بامانة مبحبش الصفة ديه ابدا...
ولا الناس اللى كدة..لانهم بيضيعوا حقوقهم بايديهم وبفضل ساذجتهم...وانا مبعرفش اتعامل مع حد بيتنازل عن حقه وفاكر ديه شطارة..
والمشرحة اكيد مش ناقصة قتلة..
بيغلط كتير
على نفسه اللى يغلط ده...
مش طلباه ابدا...
ومش محتاجة لوجودة لا انا ولا غيري..
حد مش لاقى
نفسه
لازم يدور كويس ويقعد يفكر مرة واتنين ومليون ..ولما يفشل يحاول كتير لان الحياة محتاجة مننا كل مغامرة علشان نعيشها بطريقة احسن...
وفى الاخر هيلاقيها فى اقرب نقطة وهو بعدين هيتضحك على الفترة ديه..لو دلوقتى بيقول ازاى هعدى منها ...
حد معدوم المواهب
اعزرينى ياجاسي...بس مافيش حد معدوم الموهبة...
بس ممكن يكون مش لاقيها ..او مش عنده الفرصة انه يكتشف موهبته وينميها...
لكن معدوم معدوم...لالا..
واكيد لازم يدور جواته على اللى بيحبه اوى وبيحب يعمله...
مش شرط يكون بيرسم حلواوى مثلا...
ولا بيغنى حلو اوى...لان الدندنة ذات نفسها...موهبة..
مش سهل ابدا ان انسان يعبر عن نفسه ..التعبير عن النفس موهبة...
ان انسان يخرج وينفس عن كبته ...ده موهبة...
فمعتقدش ان فى انسان معندوش موهبة...بس هو يدور جواته واكيد.هيكتشف ده بسهولة...
ولا محتاج اى مساعدة..
فانا موجودة..
وفىالخدمة...
... ♥ ♥ ♥♫ ♥ ♫ ♥♫ MOoONAIA♫ ♥♫ ♥♫ ♥ | |
|
| | |
JasMinaa
مشرفه قسم
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5711
تاريخ التسجيل : 14/09/2008
| | موضوع: رد: الحلقة التالتة مع منايا.. ياسمين و الناس التانيين الإثنين مارس 23, 2009 9:28 pm | |
| عاوزة أقولك يا منى أن بجد الحلقة حلوة و أنا مستمتعة و أنا بتكلم معاكى و ردودك تجنن بجد
و طبعا مكملين الحلقة
تعالى نرجع لأحلى أيام .. أيام الثانوى و البراءة
كان ستايل حياتك ايه أيام الثانوى ؟
كنتى تلميذة هادية ولا مشاغبة ؟
علاقتك بالمدرسين كانت ازاى ؟
لو قولتلك هتسافرى برا .. ايه هوا المكان اللى تحبى تسافريله و ليه ؟
بالنسبة للأمانى .. هل كان عندك أمنيات و أتحققت ؟
طيب ايه هيا الأمنيات اللى متحققتش ؟
بالنسبة لكليتنا اللذيذة .. بتحبيها ؟
طبعا كلنا بنحب الموسيقى و كلنا أزوقنا مختلفة .. قوليلنا بقا أنواع الموسيقى اللى بتحبيها و المطربين المفضلين ؟
أنتى ايه علاقتك بالمطبخ ؟
ايه ردك ع المقوله اللى بتقول .. خدنا ايه من الرجالة غير حلاقة الدقن ؟
هههههههههههههه عادى بتحصل
آه صحيح يا منى .. تفتكرى بقا فيه رجالة اليومين دول ؟
مين الشخص اللى بتفرحى أووى لو شفتى اسمو ع الموبايل بتاعك أو بتفرحى لو جتلك مسج منه ؟
طبعا كل واحدة مننا عندها مامتها ديه الدنيا و الحياة .. طيب أنتى بقا لما تبقى أم هتبقى زى مامتك ولا هتغيرى شوية حاجات ؟
ايه أكتر حاجة أنتى ندمانة عليها ؟
أمتى كنتى فخورة بنفسكك اووى ؟
أنا نفسى الحلقة تطول و نرغى أكتر و أكتر
و الكلام مش بيخلص بس أنتى عارفة بقا المخرج بيشاورلى
عشان وقت الحلقة
بصى أنا أختم الحلقة و نكمل رغى براحتنا و نمسك الولية أو زينهم نعرفها شغلها
أل ايه بتبوصلك بنص عين ؟؟ هينفع
أحم أحم
و فى آخر الحلقة أحب أوجهلك الشكر يا منايا يا قمر و هسيبلك الميك تقولى اللى أنتى عوزاه
و نورتينى أكيد
هنروووووح لأخر فاصل و هنرجع تانى
استنونا | |
|
| | |
monaia
مشرفه قسم
عدد الرسائل : 2080
تاريخ الميلاد : 17/10/1990
العمر : 33
العمل/الترفيه : بنوتة
التاريخ : 17/10/1990
نقاط : 6352
تاريخ التسجيل : 13/08/2008
| | موضوع: رد: الحلقة التالتة مع منايا.. ياسمين و الناس التانيين السبت أبريل 04, 2009 2:28 am | |
| عاوزة أقولك يا منى أن بجد الحلقة حلوة و أنا مستمتعة و أنا بتكلم معاكى و ردودك تجنن بجد
و طبعا مكملين الحلقة
ربنا يخيليكى ياجاسي ده من زوقك...
تعالى نرجع لأحلى أيام .. أيام الثانوى و البراءة
كان ستايل حياتك ايه أيام الثانوى ؟
كنت بنوتة صغيورة وشقية وكان الاستيايل مناسب جدا للفترة ديه...وكان اكيد مختلف عن الفترة ديه ...يعنى كل فترة وليها متطلباتها زى ماانتى عارفة...
كنتى تلميذة هادية ولا مشاغبة ؟
لالالالالالالالالالالالالا..هادية ابدا...انا عمرى ماكنت ولا هابقي هادية...ومش مشاغبة الشغب الفظيع...
بس كنت شقية.الشقاوة اللذيذة اللى ممكن نتغاضى عنها...بس والله مكنش بيحصل كتير..ولسة فى ناس كتير مش متقبلين الشقاوة ديه...
علاقتك بالمدرسين كانت ازاى ؟
علاقة حلوة بشكل غريب...مكنتش علاقة مدرس لطالبة ولا العكس..لا خالص انا مش فاكرة انى قلت كلمة المستر ولا الميس كتير.
.لانى كنت بدلعهم او بالاسامى بتاعتهم...وده مش معناتة انى مكنتش بحترمهم بالعكس انا كنت بحترمهم جدااا بس كنت بحبهم اكتر ...وكانوا اصحابي جدا.
..بس مع ذللك كنت مجتهدة فى دروسي...وكانت علاقتى بيهم كانت مجال وساحة للجدال من ناحية زمايل المدرسة ولا الدروس...بس يمكن ده بيرجع لانى كل حاجة بديها حقها...
وقت الجد جد..ووقت الهزار هزار اوى..ووقت اللعب لعب بغباء...
ووقت النكد نكد بهبل...ووقت الحب حب بجنون...
كدة يعنى...
و قولتلك هتسافرى برا .. ايه هوا المكان اللى تحبى تسافريله و ليه ؟
اسافر فرنسا...انا بعشق الذوق الفرنسي عامة...وهاقوللك سر من اسرارى الخاصة اوى اللى معظم الناس تعرفه...انى نفسي اللى بيبحنى يطلب منى اننا نرتبط قدام برج ايفل...الساعة 8 ...
ومتسالنيش السبب فى الساعة 8...بس اكيد المواصلات بتبقي رايقة...
هههههههههههههههههههههههة...لا بجد نفسي فى ده اوى...
بس بما ان الامكانيات انا متاكدةانها هتكون ضئيلة وخصوصا انتى عارفة ان فى اليوم اللى هيحصل ده هنصرف كيتر...كفاية اللب والفيشو والدرة اللى هناكلة واحنا عند البرج...(قال يعنى برج حمام)برضه هيحتاج لمصاريف كتير...
فانا ممكن ابيعه واسافر لوحدى دبي او استراليا...
دبى علشان الاماكن هناك حلوة كيتر...طبعا انا سمعت كدة لكن ماروحتش...
واستراليا لانها بعيدة وهادية واكيد هاريح دماغى هناك...اها كنت هنسي...
عاوزة اروح تركيا وكندا ....
النسبة للأمانى .. هل كان عندك أمنيات و أتحققت ؟
اها الحمد لله.. كان فيه امنيات كتير من ااهمهم عندى...
انى يكون ليا اصحاب بجد بكل معنى الكلمة....انى اكون ناجحة والحمد لله ده موجود...
انى اعرف انا عاوزة ايه وده بحاول احققة...انى القى بجد انسان يحبنى ويخاف عليا ويحترمنى ...كل ديه امنيات الحمد لله ان ربنا بيحققهالى ...
أمنيات اللى متحققتش ؟
الامينات كتيرة ...وطبيعى ان الانسان فى شوية طمع وحقد طبيعين ...يعنى لما ربنا بيحققله امنية اللى كان هو عاوزها بيبتدى يدور على امنية تانية تبقي اكبر من اللى فاتت..
وانا فيا كدة برضه...
بس الامنيات ديه بخصوص علاقتى مع ربنا اللى ان شا الله تتحسن ...ووجود عيلتى الصغيورة فى حياتى الى بجد ربنا يخليهم ليا وبخصوص اصحابي اللى بددعى ان ربنا يكون معاهم ويفوقهم...وبخصوص دراستى ومستقبلي انى انجح فيهم وفى المجال اللى انا عاوزاه...وانى اكون اجمل عيلة ممكن تحصل فى العالم...واحافظ عليهم ويبقي عندى اجمل ولاد فى الدنيا ..واشوفهم لما يكبروا وابقي معاهم طول لما انا عايشة ...
نسبة لكليتنا اللذيذة .. بتحبيها ؟
مااحنا كنا ماشيين كويس...لازم المطب ده...
ههههههههههههههههههههة...
بصي ياقمر مامتى عطول تقولى...المكان بالناس الموجودين فيه...
وانا مقتنعة بده اوى...وبعدين انا بحبها كتير كفاية ان اجمل اصحاب موجودين فهيا..واحلى شخصيات قابلتهم هناك...
وطبيعى ان اى مكان فيه نا س كويسة وفى ناس وحشة...وفى ناس وحشة بغباء...
بس احنا محتاجين بخصوص الكلية ديه
اننا ناخد بالنا من ايجابيتنا ونركن السلبيات بس منغفلهاش... | |
|
| | |
monaia
مشرفه قسم
عدد الرسائل : 2080
تاريخ الميلاد : 17/10/1990
العمر : 33
العمل/الترفيه : بنوتة
التاريخ : 17/10/1990
نقاط : 6352
تاريخ التسجيل : 13/08/2008
| | موضوع: رد: الحلقة التالتة مع منايا.. ياسمين و الناس التانيين السبت أبريل 04, 2009 2:29 am | |
| طبعا كلنا بنحب الموسيقى و كلنا أزوقنا مختلفة .. قوليلنا بقا أنواع الموسيقى اللى بتحبيها و المطربين المفضلين ؟
على حسب المووود...يعنى انا اوقات تلاقينى بسمع راب وامينم ..وساعات ببقي رومانس اوى...ووقتها اسمع لانريكى وماريا كارى وطبعا براين ادمز...
والاساسي فى كل حاجة عمرو دياب...لان ده ملوش حل اصلا...وفى مطربين كتير اوى...
بس دول اهم ناس...
وبما ان دلوقتى بقي فيه 4 مطربين لكل مواطن...
وبعدين هيضافوا على بطاقة التموين....
فنا لو حكيت اسامى مش هنخلص.
.خصوصا وانتى عارفة ان كل دقيقة بتفوت بيظهر مطرب ولا مغنية على الساحة...
أنتى ايه علاقتك بالمطبخ ؟
ههههههههههههههههههههه....
فاااااااااااااااااااااااااااااااااااااااااااااااااااااااشلة....
لا حقيقي ...علاقة مش كويسة ابدا...
انتى عارفة وانا برد على السؤال ده ..فكريتنى بمقولة هانى رمزى فى فيلم...محامى خلع...
وهل يختلط الزيت بالمااااااااااء....؟؟؟؟
للاسف انا مش كويسة ابدا مع المطبخ ولا هو كويس معاايا...
ايه ردك ع المقوله اللى بتقول .. خدنا ايه من الرجالة غير حلاقة الدقن ؟
هههههههههههههه عادى بتحصل....
ههههههههههههههههههههههههههههههههههههههة...
حلوة المقولة ديه..بتفكرنى بالست بايرة الخطبة...
عارفاها طبعا...
ديه هيا اللى متجوزة الست ام زينهم لابو زينهم...
لالا بجد مش كل الرجالة كدة...فى رجالة كيتر كويسين زى مافى ستات برضه مش قد كدة... بس مش معناته ان كلهم كدة...
بس فى اللى قابلتهم الحمد لله جيرانى وزمايلى واصحابي و....الحمد لله رجالة اوى وجدعان اكيد كل حد فيهم ليه موقف ندالة اتنين ولا كدة...بس مش معناته ابدا انهم وحشين...
بس فى شخصية انا عارفاها تنطبق عليها المقولة ديه....
فعلا انا عطول بقولها كدة ...وعطول هاقولها كدة....
آه صحيح يا منى .. تفتكرى بقا فيه رجالة اليومين دول ؟
في ياجاسي...بس مش كتير ,,مش واضحين اوى لان فى كتير وحشين...
بس موجودين بس محتاجين حد يصحيهم ويفوقهم ..وينفض الغبار من عليهم...
كنت عطول بحكى واقول ان الرجالة كلهم ماتوا فى الحرب والباقيين اما
اقزام...
.او معقدين ...
.ا و متجوزين...
مين الشخص اللى بتفرحى أووى لو شفتى اسمو ع الموبايل بتاعك أو بتفرحى لو جتلك مسج منه ؟
عمرو طبعا**مارو**ومامتى...لو مش هاتقفل فى وشي التليفون كالمعتاد....ههههههههههههههههههههههههههههه..
طبعا كل واحدة مننا عندها مامتها ديه الدنيا و الحياة .. طيب أنتى بقا لما تبقى أم هتبقى زى مامتك ولا هتغيرى شوية حاجات ؟ بصي ...هو انا مش متاكدة انى هابقي ام كويسة لاولادى..زى مامتى...بس اللى انا واثقة فيه...انى هابقي اكتر انسانة مبسوطة وفرحانة لوجودهم فى حياتى...وده اللى هيخلينى احاول بكل ذرة فى كيانى انى ابقي الام اللى تقدر توفر ليهم الحنان والامان والحب والرعاية ...واللى متاكدة منه اكتر انى هحبهم اكتر من حياتى واكتر من نفسي واكتر من اى حاجة وكل حاجة...وهاعمل كل حاجة علشان يكونوا احسن اطفال فى العالم واحلى شخصيات فى الدنيا واطيب وارقى مخلوقات فى الكون...انتى ندمتى على ايه؟؟؟؟انا مبحبش انى اندم على قرار اخدته بنفسي ....وعملته باقتناع...بس اندم على حاجة انا اجبرت عليها..او الظروف فرضتها عليا...واكتر لحظات بحس فيها بالندم...لما بقف قدام ربنا وانا بصلى ...ولما بحس قد ايه انا صغيرة وضعيفة جدا قدامه...وقد ايه اناغلطانة وقد ايه بغلط .... وامتى كنتى فخورة بنفسك؟؟؟ههههههههههههههة...انا عطول فخورة بنفسي ومعتزة بنفسي....بس ببقي فخورة اكتر لما ببقي مع عيلتى الصغيورة او لما ببقي مع اجدع اصحاب ...ببقي فخورة بيهم مش عليهم...وببقي معتزة بوجودهم معايا ووقوفهم ويايا فى حياتى ....وده لما بيحصل بيحصل جواتى شعور ميكس بين الحب ,الفخر,الاعتزاز,والغرور...بيحصلى فى الاخر توكيتل هايل من العواطف ديه....مش هقدر اوصفللك قد ايه ببقي مبسوطة بالاحساس ده...بس لما بغلط فى حق حد او بغلط فى حق نفسي...الفخر ده بيقل...بس مش بينعدم... كان نفسى الحلقة تطول و نرغى أكتر و أكترو الكلام مش بيخلص بس أنتى عارفة بقا المخرج بيشاورلىعشان وقت الحلقةاها انا اخدت بالى...بس انا كنت فاكرة ان الراجل بيشاور لسواق الميكرو اللى كان معدى من جنبنا....علشان كدة عمال يتنطط....فعلا المخرجين دول ليهم الجنة....ههههههههههههههههة..بصى أنا أختم الحلقة و نكمل رغى براحتنا و نمسك الولية أو زينهم نعرفها شغلهاأل ايه بتبوصلك بنص عين ؟؟ هينفعأحم أحمو فى آخر الحلقة أحب أوجهلك الشكر يا منايا يا قمر و هسيبلك الميك تقولى اللى أنتى عوزاهو نورتينى أكيد نروووووح لأخر فاصل و هنرجع تانىاستنوناميرسي ليكى ياجاسي ياقمرى على زوقك وعلى اسلوبك الجميل ده....وعلى انك مستحملة اتنين ابشع من بعض ....الست بتاعت البسلة والبتنجان...ام زينهم...اللى معطلانة عطول ...من اول الحلقة ...وهيا بتبص بطريقة غريبة...انا كنت فاكراها اصلا مش بتشوف اصلها من البداية وهيا مركزة على السقف وانا اللى كنت فاكراها بتعد النجوم ولا ليها فى حكاية الابراج ....اتاريها بتبص ...معلشي ياجاسي على العطلة ديه...بس تعملى ايه فى غيرة الستات ....ربنا يكفينا شرها....والتانى اللى عمال يتننطط اللى جابلى الضغط..وركبلى العصبي...ههههههههههههههة.ده انتى هتدخلى الجنة حدف...بسبب الاتنين دول بس...بس حقيقي البروجرام هايل ...بكل اللى فيه ده...وتسلميلى لزوقك وانا كنت مبسوطة كتير علشان كنت معاكى ....اشوفك على خير...... ♥ ♥ ♥♫ ♥ ♫ ♥♫ MOoONAIA♫ ♥♫ ♥♫ ♥ | |
|
| | |
JasMinaa
مشرفه قسم
عدد الرسائل : 207
تاريخ الميلاد : 03/09/1989
العمر : 34
العمل/الترفيه : برسم و أحيانا بألف شعر و خواطر
المزاج : Happy
التاريخ : 3/9/1989
نقاط : 5711
تاريخ التسجيل : 14/09/2008
| | موضوع: رد: الحلقة التالتة مع منايا.. ياسمين و الناس التانيين الخميس أبريل 16, 2009 3:34 pm | |
| | |
|
| | |
| | الحلقة التالتة مع منايا.. ياسمين و الناس التانيين | |
|
