ياسمين و الناس التانـيين.. الحلقة الأولى

السلام عليكم و رحمة الله و بركاتة
النهاردة أول حلقات البروجرام بتاعنا ياسمين و الناس التانيين
فى البداية أحب أرحب بأول ضيف معايا و اللى منور الأستوديو لدرجة أننا مش هنحتاج اضاءة
وطبعا برحب بالنجوم كلهم
من غير كلام كتير

أنا معايا النهاردة نائب المدير
معايا و معاكم .. محمد مجد

بسرعة كده يا مجد هتجاوب ع السؤال التقليدى اللى هوا بيخليك تضرب ايدك ف جيب البنطلون اللى ورا
( أوعا تقولى معنديش جيب ورا ) و تطـلع البطـاقة و تقولنا
أسمك و عندك كام سنة و ساكن فين؟؟

احنا هنتكلم عن حاجات كتير أووى ف كذا مجال
بس
خلينا نبدأ كده وحدة وحدة و نتكلم عن طبيعة دراستك ؟؟ بتدرس ايه ؟ و بتحب دراستك ؟ و هلى هيا ديه الكلية اللى كنت بتحلم بيها ؟؟ و لو لأ كان نفسك تطلع ايه ؟؟
بالنسبة لطريقة حياتك بتعيشها ازاى؟؟ أو بتقضى يومك ازاى ؟؟
ايه الصفات اللى بتميزك عن أى حد؟؟
و ايه أوحش صفات فيك من وجهة نظرك؟؟
حاسس أنك صاحب جدع و أد كلمتك؟؟
مين أقرب ناس منك من صحابك ( ده لو فيه صحاب )؟؟
هل انت من الناس اللى بتحكم على غيرها بالمظاهر ؟؟
و مظهر الشخص اللى قدامك بيمثلك ايه ؟؟

عندك هوايات ؟؟
ايه نظامك ف الحب.. ولا أنت ملكش فيه ؟؟
حبيت كام مرة بجد.. و كام اعجبت بحد ؟؟
بتحس أنك وحيد أمتا و ليه ؟؟

و دلوقتى هسيب مجد يجاوب براحتة ع االاسئلة و هنروح لفاصل سريع ( مين عارف ! هنرجع تانى ولا لأ )
على فكرة احنا لسه بنبدأ .. يعنى مش هتفلت منى
البقية تأتى
اتفضل أشرب عصير

قبل ما نطلع للفاصل قولى رأيك بسرعة فى الآتى

صحابك بوجه عام
كلام الناس
الظلم
الحب
الحياة

بسرعة كده يا مجد هتجاوب ع السؤال التقليدى اللى هوا بيخليك تضرب ايدك ف جيب البنطلون اللى ورا
( أوعا تقولى معنديش جيب ورا ) و تطـلع البطـاقة و تقولنا
أسمك و عندك كام سنة و ساكن فين؟؟
اسمى محمد مجد الدين رزق عبد الغنى
سنى 18 سنة
وساكن فى المطرية

احنا هنتكلم عن حاجات كتير أووى ف كذا مجال
بس

خلينا نبدأ كده وحدة وحدة و نتكلم عن طبيعة دراستك ؟؟
طبيعة دراستى بدرس فى كلية التربية

بتدرس ايه ؟
بدرس فى كلية التربية قسم رياضة عام عربى

و بتحب دراستك ؟
يعنى بحبها ومش بحبها

و هلى هيا ديه الكلية اللى كنت بتحلم بيها ؟؟
لا مش هى اللى كنت بحلم بيها بس هى بردة كانت فى ماغى بس مش اوى وكانت بعيدة عن تفكيرى خالص ايام التنسيق

و لو لأ كان نفسك تطلع ايه ؟؟
انا كان نفسى ادخل فنون جميلة قسم ديكور

بالنسبة لطريقة حياتك بتعيشها ازاى؟؟
حياتى عديها بس بحبها

أو بتقضى يومك ازاى ؟؟
يومى عادى خالص فى الاجازة بصحى اقعد على النت ولو عندى شغل او مشوار بنله وبعد كدة ارجع على النت

ايه الصفات اللى بتميزك عن أى حد؟؟
دايما بحس انى عقليه مختلفة و تفكيرى مميز

و ايه أوحش صفات فيك من وجهة نظرك؟؟
مبحبش ازرو حد مش اجتماعى يعنى ممكن مسئلش على صحابى ودى بتعملى مشاكل معاهم خالص بس انا بيبقى مش قدى خالص لانه ةبيبقى مش فى دماغى مبخدش باللى انى لازم اتصل علشان اطمن عليهم

حاسس أنك صاحب جدع و أد كلمتك؟؟
بسبب السبب اللىى فوق ده مظنش ابقى اجدع بس غير كدة على ما اظن ابقى كويس يعنى
اه قد كلمتى

مين أقرب ناس منك من صحابك ( ده لو فيه صحاب )؟؟
عندى صحاب كتير ودى بتعمل مشكلة انى مبعرفش اوفق مبينهم يعنى عندى صحابى بتوع ابتدائى وثانوى واعادى من ساعتها واحنا مكملين مع بعض وعندى صحابى بتوع الكلية وكلهم قريبين ليا

هل انت من الناس اللى بتحكم على غيرها بالمظاهر ؟؟
لا مبحكمش عليه بالمظهر ربس باخد عنه انطباع

و مظهر الشخص اللى قدامك بيمثلك ايه ؟؟
بيمثلى اذا كان زوقة حلو ولا لا واذا كان نضيف ولا لا

عندك هوايات ؟؟
النت والفوتو شوب

ايه نظامك ف الحب.. ولا أنت ملكش فيه ؟؟
دلوقتى بحاول ميكنش ليا

حبيت كام مرة بجد.. و كام اعجبت بحد ؟؟
حبيت مرة واحدة
واعجبت 3 او 4 حاجة زى كدة

بتحس أنك وحيد أمتا و ليه ؟؟

الايام اللى فاتت كان المفروض احس انى وحيد بس انا عندى صحاب كتير دايما بيخرجونى من الموضوع ده وخصوصا ياسمين فاروق
وغير كدى كنت شاغل نفسى بشغل المنتدى والاسرة وشغلى كمان تخيليك بعد الحاجات دى كلها هفكر اذا كنت وحيد ولا لا

و دلوقتى هسيب مجد يجاوب براحتة ع االاسئلة و هنروح لفاصل سريع ( مين عارف ! هنرجع تانى ولا لأ )
على فكرة احنا لسه بنبدأ .. يعنى مش هتفلت منى
البقية تأتى
اتفضل أشرب عصير
مبحبش العصير ده ممكن عصير موز باللبن
قبل ما نطلع للفاصل قولى رأيك بسرعة فى الآتى

صحابك بوجه عام
بحب بعض واحنا صحاب من زمان بس للاسف ساعات كتير مبنقدرش ظروف بعض ومش عارف الايام دى مالنا مش طيقين بعض ليه ربنا يهدينا كلنا

كلام الناس
كلام الناس ده حاجة وحشة اوى بسبب انهم بيدخلوا فى حيات الانسان الشخصية اللى المفروض محدش يدخل فيها غير اللى انا اسمحله يدخل فيها وغير كدة ان هما مبيتفدوش حاجة وهما بيتكلموا يبقى ايه لزمتها الكلام واللت والعجن ربنا يهديهم

الظلم
انا ماشى على منطق ايه طول ما انا مبظلمش ومراعى ربنا فى الموضوع ده يبقى اكيد مش هتظلم بس الاحساس بالظلم بوجه عام احساس فظيع مفيش انسان يقدر يستحمله

الحب
احساس جميل جدا والانسان ميعرفش يعيش من غيرة لانه لو مكنش حب لحبيبة هيبقى حب صحاب حب لاهله حب للحياة على الاقل اوى يحب نفسه بس المهم ان هو هيحب لانه احساس حلو

الحياة
الحياة حلوة والله بس احنا دايما ربنا بيختبر الانسان ويشوفه هيعمل ايه واكيد يعنى مش دايما الحياة هتبقى وحشة اكدي هتعيش ايام حلوة وايام وحشة بس اكتر حاجة لازم تكون عندك الصبر والتحدى لان التحدى انت علشان توصلل للانت عايزة لازم توصله حتى لو هتتحدى الكون كله المهم انى اوصل للانا عايزة واكتر حاجة اكرها هى الهروب من المشاكل وتكبير الدماغ لان لو عايز اعمل حاجة ومتاكد ان هى هتسعدنى يبقى عندى استعتداد اتحدى الكون كله علشان اوصلها وابقى سعيد علشان ابقى راضى عن نفسى لان اكتر حاجة بتدى الانسان دفعة لما يكون راضى عن نفسة احساس حلوة جدا الرضى عن النفس ده

موضوع: رد الأربعاء فبراير 11, 2009 6:57 pm

ورجعنالكم تانى بعد الفااااااصل
و مكملين مع أبو الأمجاد
معلش بقا يا مجد الواد بتاع البوفية مش لاقى موز فجاب قصب و ضرب عصير قصب فى
الخلاط ( أشرب وبلاش احراج ع الهوا ) تفاعل مع العصير عاااادى
ده المنتج بتاع البروجرام بيصرف ع العصير أكتر مابيصرف ع البروجرام

الجد بقاا
بتحب القرءاة يا محمد ؟؟ و ايه علاقتك بالكتب ؟؟
مين أكتر الكتاب اللى بتحب تقرأ ليهم ؟
ايه رايك ف اللى بيحصل ف غزة ؟؟ هل عملت أى رد فعل إنشالله بقلبك حتا ؟؟
يعنى أنا مثلا أعرف ناس اتبرعوا بالدم و الهدوم و غيره و ناس كتبت شعر و ناس مش قادرة تعمل حاجة
فصليت و دعت ربنا .. أنت عملت ايه ؟؟

نرجع تانى لحياتك
قولى بقا ايه الانطباع اللى بياخده عنك الناس لما بيشوفوك لأول مرة ؟؟
أنت شايف أنك عندك حس فنى ؟؟ أصلك بتقول أنك كان نفسك تدخل فنون جميلة

قولتلى أنك حبيت مرة و اعجبت كذا مرة
ايه بقا اللى شدك فى البنات اللى أعجبت بيهم ؟؟
تقدر تحكيلى موقف محرج اتعرضتلو ؟؟
بتحب صحابك يعاملوك ازاى ؟؟ بالنسبة لأقرب صحابك .. اختارتهم على أساس ايه ؟؟ أو ايه الصفات اللى فيهم خلتك تعتبرهم صحابك المقربين ؟؟بالنسبة بقا للطموح .. حاسس أنك طموح ؟ و ايه هيا طموحاتك ؟؟

واااضح أووى أنك انسان متفاءل ... هل ديه طبيعة فيك ولا ليها سبب ؟؟
على فكرة .. بحييك أووى على صراحتك و طريقك اجابتك
و مكملة معاك بس بعد فااصل سريع
استنونااا

ورجعنالكم تانى بعد الفااااااصل
و مكملين مع أبو الأمجاد
معلش بقا يا مجد الواد بتاع البوفية مش لاقى موز فجاب قصب و ضرب عصير قصب فى
الخلاط ( أشرب وبلاش احراج ع الهوا ) تفاعل مع العصير عاااادى
ده المنتج بتاع البروجرام بيصرف ع العصير أكتر مابيصرف ع البروجرام

عموما عصير قصب عم فتحى حلو بردة بيروعى العطش

الجد بقاا
بتحب القرءاة يا محمد ؟؟
لا مش قوى

و ايه علاقتك بالكتب ؟؟
علاقة سطحية خالص

مين أكتر الكتاب اللى بتحب تقرأ ليهم ؟
التاريخية لو شدتنى انا فاكر ان فى مرة كتاب عن الظاهر بيبرس عجبنى قريت منه شوية بس مخلصتوش

يعنى أنا مثلا أعرف ناس اتبرعوا بالدم و الهدوم و غيره و ناس كتبت شعر و ناس مش قادرة تعمل حاجة
فصليت و دعت ربنا .. أنت عملت ايه ؟؟

انا صليت ركعتين بليل هو انا مش فاكر اسمهم ايه بس جت رسالة على الموبيل ان المسلمين هيصلوا فى الوقت ده ويوحدوا الدعاء لاهالى غزة فقمت صليت

قولى بقا ايه الانطباع اللى بياخده عنك الناس لما بيشوفوك لأول مرة ؟؟
الانطباع اللى بيخده الناس عنى متغير على حسب الموقف اللى بيحصل يعنى فى ناس بتقول انى متكبر لان مبتكلمش مع اى حد بس انا شايف انه عادى وناس بتقول عنى كويس يعنى الانطباع دايما بيتقاس بالموقف اللى حصل يعنى اذا كان الموقف ده مشكلة مع حد يبقى ازاى هيقول عليا كويس

أنت شايف أنك عندك حس فنى ؟؟ أصلك بتقول أنك كان نفسك تدخل فنون جميلة

لا مش موضوع حس فنى بس ممكن يكون زوقى حلو وغير كدة انى من زمان وانا كان نفسى ابقى مهندس وغير كدة فنون جميلة كانت هتدينى الفرصة فى ياما مهندس ديكور او مهندس معمارى لان انا كنت علمى رياضة

قولتلى أنك حبيت مرة و اعجبت كذا مرة
ايه بقا اللى شدك فى البنات اللى أعجبت بيهم ؟؟
على حسب بس كانت كل واحدة بتشدنى بحاجة معينة بالحاجة الحلوة اللى فيهم يعنى اللى انااعجبت بيهم كانوا مختلفين عن بعض اختلاف فظيع كل واحدة فيهم كانت بتمتاز بامتيازات تخلينى اتشد ليها

تقدر تحكيلى موقف محرج اتعرضتلو ؟؟

موقف محرج هو فى موقف جيه فى باللى كنت واقف مع اتنين صحابى بيكلموا وشدوا مع بعض فى الكلام فروحت قولت لواحد فيهم هو انت مش كنت ماشى علشان اخليه يتجنب التانى راح قيله لا انا هقف اكمل كلام معاه

بتحب صحابك يعاملوك ازاى ؟؟
يعملونى كويس عادى يعنى واه بردة اهم حاجة يقدروالظروف

بالنسبة لأقرب صحابك .. اختارتهم على أساس ايه ؟؟
على اساس اللى بستريحله فى الكلام وبكون مستريح وانا بتكلم معاه

أو ايه الصفات اللى فيهم خلتك تعتبرهم صحابك المقربين ؟؟
بصى اللى يخاف عليك وعلى مصلحتك وعلى امورك وتكون بتستريح معاه فى الكلام يبقى ده اكيد صحبك

بالنسبة بقا للطموح .. حاسس أنك طموح ؟ و ايه هيا طموحاتك ؟؟

انا طموح لاكتر ممن اى حد يتصور طموحى ملوش حدود
وطموحاتى مقسمها تقسيم غريبة اوى ومش حابب ان اى حد يعرفها

واااضح أووى أنك انسان متفاءل ... هل ديه طبيعة فيك ولا ليها سبب ؟؟
التفائل ده سر فى انى مببنش مخنوق كتير يعنى الحمد لله بعرف اخرج نفسى ازاى من خنقتى لان مقتنع ان بكرة احسن من النهاردة وان الانسان هو اللى فى ايدة يخلى حياتة سعيدة وهو بردة اللى بايدة يخليها تعيسة يخليها تعيسة بهروبة من مشاكله وعدم تمسكة بالحياة بس مقدرش انكر ان جالى وقت كنت مخنوق جدا وياس بس بسبب التفائل اللكل عارفة عنى فكانوا بيفكرونى بيه فبرجع تانى واللى كانت دايما واقفه جنبى وبتفكرى هى ياسمين فاروق بجد وقفت جنبى كتير اوى

على فكرة .. بحييك أووى على صراحتك و طريقك اجابتك
و مكملة معاك بس بعد فااصل سريع
استنونااا

رجعنالكم تانى
و مكمليين أول حلقات البرنامج
واضح أنك دبلوماسى أووى .. من غير دبلوماسية و كلام عام
عوزاك توصفلى الصفات اللى بتحبها تكون موجدودة فصحابك .. صفات معينة ؟؟
شايف أن الكلية بتاعتنا .. كلية مثالية ؟؟

طيب
نرجع بالذاكرة كده لأيام الثانوى الجميلة .. كانت بتمثلك ايه ؟؟
و احكيلنا كده موقف أو مقلب عملته مع مدرس ليك ؟؟ ولا أنتا كنت طالب هادى ؟؟
بما أننا بنتكلم عن الشقاوة
أنت عمرك عاكست بنت ؟؟ و لو آه .. احكيلنا الموقف ؟؟ و قولنا رأيك ف المعاكسات عموما ؟؟

ايه رأيك فنظام أن الواحد يكون ليه أكتر من قناع و شكل بيظهر بيه قدام الناس ؟؟
طيب .. بتحب تكون مشهور و تحت الضوء دايما ؟؟
لو افترضنا
أو لو قولتلك أنت هتبقا مسئول كبير ف البلد يا مجد . ايه الاجراءات اللى هتعملها ف البلد ؟؟
أسرتك و عائلتك بتمثلك ايه ؟؟
بتحب الجو العائلى ولا بتحب تخرج مع صحابك أحسن ؟؟

الا قولى صحيح
ايه رأيك ف البروجرام ؟ وطبيعة الأسئلة ؟؟
ف الآخر بقا .. أحب أعرف رأيك ف العصير ( وطلب السجق واللحمة اللى قبل الهوا ) ؟؟
فيه سؤال مجننى من أول الحلقة .. هوا العصير ده بطعم ايه ؟؟

رجعنالكم تانى
و مكمليين أول حلقات البرنامج
واضح أنك دبلوماسى أووى .. من غير دبلوماسية و كلام عام
عوزاك توصفلى الصفات اللى بتحبها تكون موجدودة فصحابك .. صفات معينة ؟؟
اهم حاجة ان احنا نكون متفاهمين وتكون ميولنا واحدة وكمان اكون بستريح معاه فى الكلام

شايف أن الكلية بتاعتنا .. كلية مثالية ؟؟
لا خالص الكلية عندنا فيها مشاكل كتير فى موضوع ان هى صغيرة فلو انت جيت الكلية ومش عايز شخص معين يشوفك غصب عنك هيشوفك وغير كدة كل اللى فى الكلية من الطبع المصرى الاصيل اللى بيموت فى كلام الناس

نرجع بالذاكرة كده لأيام الثانوى الجميلة .. كانت بتمثلك ايه ؟؟

ايام حلوة جدا كفاية ان صحابى بتوع ثانوى هما اللى مكملين معايا وهما اصلا صحابى من زمان وجو الدروس بتعنا كان حلو جدا والمدريسين اللى كنت باخد عندهم كنت بحبهم جدا وهما كمان كانو بيحبونى او وانا من الحاجات اللى مزعلتنيش لما دخلت الكلية عندنا انى فكرت فى مرة انى ابقى زى المدريسين اللى انا كنت باخد معاهم لان انا كنت بحبهم جدا يعنى انا نفسى اعمل تشكيلة من مميزات اللى انا كنت باخد معاهم واحطهم فى شخص واحد

و احكيلنا كده موقف أو مقلب عملته مع مدرس ليك ؟؟ ولا أنتا كنت طالب هادى ؟؟
لا انا مكنتش بتاع مقالب بس ماااااااااك اللى معانا هنا كان احسن واحد يعمل مقالب فى المدريسين فى المدرسة وفى الدروس ولو يفتكر استاذ الكمياء بتاع اولى ثانوى حدفله صواريخ من قبل لما يطلع الحصة ولا استاذة الجغرفيا كانت ست كبيرة وعجوزة حدفلها صواريخ كانت هتموت

بما أننا بنتكلم عن الشقاوة
أنت عمرك عاكست بنت ؟؟
هههههههههههههههههه لا مظنش انى مشيت وراه واحدة وقلتلها انتى ياقمر والحاجات دى بس المعاكسات بتعتى انا وصحابى مكنتش بتاعة انتى ياقمر كانت تريقة

و لو آه .. احكيلنا الموقف ؟؟
لا مظنش ان فى مواقف كتير
و قولنا رأيك ف المعاكسات عموما ؟؟
لا حاجة فشله جدا وملهاش لازمة وانا قولت انا مكنتش بعاكس انا كنت بتريق

ايه رأيك فنظام أن الواحد يكون ليه أكتر من قناع و شكل بيظهر بيه قدام الناس ؟؟
يالهوى حاجة وحشة اوى الموضوع ده ان يكون واحد مبينلك انه بيحبك وبيخاف على مصلحتك وبعد كدة تلاقيه بيطعنك فى ظهرك ربنا يهديهم

طيب .. بتحب تكون مشهور و تحت الضوء دايما ؟؟

لا مش موضوع مشهور انا اكتر حاجة اكون مبسوط بيها لو لقيت الناس بتحبنى ميهمنيش بقى انى اكون مشهور انتى عارفة لو مجرد بس انى اعرف اتنين ويكونوا بيحبونى وبيعزونى ده كفاية عندى واكتر حاجة بحبها دعوة ربنا يحبب فيك خلقه بحبها اوى

لو افترضنا

أو لو قولتلك أنت هتبقا مسئول كبير ف البلد يا مجد . ايه الاجراءات اللى هتعملها ف البلد ؟؟

اول حاجة يبقى اموت الشعب كله وربى ناس من جديد ياما اعمل توعيه بس بشكل صح لان العيب مش فى النظام العيب الاساسى فى اللى بيستخدموا النظام يعنى لو احنا اتعدلنا هنقدر نعدل النظام احنا كل اللى علينا لا ده النظام زباللة ياعم اعدل نفسك وبعد كدة النظاه هيتعدل لوحدة

أسرتك و عائلتك بتمثلك ايه ؟؟
يعنى انا قولت انى مش اجتماعى فالموضوع ده مضيقنى جدا انى مبحبش ازور حد ولا عايز حد يزورنا ومش عايز اتغير انا عجبانى حياتى كدة

بتحب الجو العائلى ولا بتحب تخرج مع صحابك أحسن ؟؟
لا اخرج مع صحابى احسن انا حياتى كلها اصلا مع صحابى
الا قولى صحيح
ايه رأيك ف البروجرام ؟ وطبيعة الأسئلة ؟؟
طبعا جميل جدا كفاية ان انتى المزيعة ولا طمان الفكرة حلوة جدا هو انتى احلى اه بس بردة فكرة تجنن والاسئلة حلوة بردة هو مش انتى اللى كتبها يبقى طبعا حلوة

ف الآخر بقا .. أحب أعرف رأيك ف العصير ( وطلب السجق واللحمة اللى قبل الهوا ) ؟؟
هو هم فتحى مش عارف كان عجبة العصير فشرب نصه قبل لما يجى ولا ايه ولحظت حاجة غريبة بردة فى الطلب اللى مجاش ده انه كان ناقص ملح

فيه سؤال مجننى من أول الحلقة .. هوا العصير ده بطعم ايه ؟؟
هو صراحة مش عارف انا بقول نبقى نسال عم فتحى يمكن يكون عارف

mohamed magd كتب:: ف الآخر بقا .. أحب أعرف رأيك ف العصير ( وطلب السجق واللحمة اللى قبل الهوا ) ؟؟
هو هم فتحى مش عارف كان عجبة العصير فشرب نصه قبل لما يجى ولا ايه ولحظت حاجة غريبة بردة فى الطلب اللى مجاش ده انه كان ناقص ملح
فيه سؤال مجننى من أول الحلقة .. هوا العصير ده بطعم ايه ؟؟
هو صراحة مش عارف انا بقول نبقى نسال عم فتحى يمكن يكون عارف

ههههههههه
على فكرة عم فتحى مظلوم عشان الكوباية جت ناقصة نتيجة أنو اتكعبل ف سلك الكاميرا و هوا جاى فنص الكوباية وقع منه
بالنسبة بقا للملح اللى ناقص.. فده توفير مش أكتر
ألحقنى .. عم فتحى بيقول أن العصير طلع عصير تين شووكى
أحم أحم
بلاش فضايح يابنى احنا ع الهوا

المهم
فى نهاية البروجرام بشكر مجد أووى لأنه كان صريح و تلقائى جدا
و بشكر كل النجوم اللى بيشوفونا
ف انتظار مداخلاتكم
و هستنا تعليقاتكم و ردودكم ع الحلقة و ع الضيف
أشوفكم ف حلقة جديدة مع ضيف جديد و

ياسمين و الناس التانـيين

ولا احلي ولا اروع ولا اجمل من كدة ياياسمين بجد
تألقتي ونورتي وبجد تسلمي عالفكرة الجنان دي وعالحوار الرائع والاسئلة الاروع
وطبعا مجد كنت فعلا تلقائي وعرفنا شوية حاجات عنك
ومستنيين الضيف التاني ياياسمين

أنغام النجوم يا قمر
نورتى بجد
و ده تشجيع ليا و مبسوطة أن الحوار عجبك

علي فكره

انتي فعلا تستاهلي تكوني مذيعه
و عندك قدره عاليه علي اداره الحوار

ده غير انك بتعرفي تستنتجي كويس من الردود
و علي اساسها بتبني اسئله جديده
و تفتحي مجال للمناقشه
بجد توبيك حلو اوي

و الضيف طبعا اجاباته حلوة

و شكرا ليكي علي الموضوع الحلو اوي ده

الله يا ياسمين
بجد الفكره لذيذه
وانت اسلوبك حلو
والضيف طبعا كان صريح
بجد البروجرم حلو
ومستنين الضيف الجديد

البروجرام حلو اوى ياياسمين وطريقتك تحفة
وطبعا اختيارك للضيف كان فى محله
مستنين حلقاتك الجديدة
ياسمين فاروق Wink

جميل جدااا يا ياسمين
اسلوبك حلو اووووووى
والفكره لذيذه جدااااااااا
ومستنين الضيف الجديد

جميل جدااا يا ياسمين
اسلوبك حلو اووووووى
والفكره لذيذه جدااااااااا
ومستنين الضيف الجديد

ميرسى أووى لــ
أنغام النجوم
عبد المنعم
ياسمين فاروق
آيه مجد
أنغام الحياة

و ان شاء الله الحلقة التانية هتنزل النهاردة مع عضوة محبوبة جدا

طيب ليه متستضيفيش امين اتحاد تربيه في البرنامج عشان نعرف الاتحاد ده بيساعد الطلبه ولا لا ولو بيساعدهم بيعملهم ايه

مستنيين ضيفك الجديد ياياسمين وفكرة محمود جامدة جدا كلنا عاوزين نعرف امين اتحادنا

فكره جميله قوى يا ياسمين ومستنين الجديد منك

خلاص أوكى يا محمود أن شاء الله استضيف أمين الاتحاد قرريب جدا
و ميرسى لأنغام النجوم و رورو على الاهتمام يا قمرات

بجد اانا مش عارف اقول بجد فكرة جاااااااااااااامده مووووووووووووت

وانتى فعلا تنفعى مذيعه وناجحه جداااااااااااااااا

فكرة جميله جدااااا ومجد كان تلاقى جداا فى جوابه على الاسئله

وانا منتظر نجاح اكبر واكبر للموضوع ده

الأدمن بحاله عندنا
ميرسى أوووى يا رامى
u r welcomed