فترة العذوبية ...هى زمن فوضى الرجال ...وبعد الجواز يتغير الحال والرجال لا يعجبهم العجب.تعالوا نشوف الحوار ده بين واحد متجوز وواحد لسه على البر ورايهم ايه..:
الاعزب:هاى ازيك؟
المتزوج:الحمد لله انت عامل ايه؟
الاعزب:بخير ,انت كنت فين امبارح مادخلتش الشات ليه؟
المتزوج:والله يااخى كنا معزومين على فرح والهانم مراتى كانت عايزة تشتري طقم جديد تحضر بيه وطبعا جرجتنى معاها نلف فى السوق.
الاعزب:ياساتر الستات دول شر بس للاسف لابد منه.
المتزوج:والله عندك حق.انت بقاللك كام سنة متجوز؟
الاعزب:والله انا لسة معملتهاش ...
المتزوج:ياراجل خليك كدة احسن للك.
الاعزب:ليييييييييييييه,قلقتنى؟
المتزوج:انا قبل الجواز كنت شاب حلو ووسيم وكانت حياتى بسيطة ومليانة مرح وشقاوة ..وكان عندى شقة حلوة ورتبة بنتجمع فيها انا واصحابي..كنت انام احلى نومة على احل سرير *يقصد المتنعكش* اصحى الصبح متاخر على الشغل ,اخد دش على السريع ..وبعدها احط واقي شمس علشان اخاف لاسمر .وارجع كل حاجة مكانها لانى بحب الترتيب.*قصده بيموت فى الفوضى* بعدين اعمل كوباية نسكااافيه وبعدين ادور على جزمتى لانى دايما بنسى انا برميه فين.
المهم ..امى خطبتلى واحدة..وافقت بسرعة.وجيت مراتى للبلد اللى كنت شغال فيها. ويوم مادخلت الشقة وهي لسة فى نص الصالة اغمى عليها علطول .انا كنت فاكرها مكسوفة او اغمى عليها مثلا من الفرحة..اول مافاقت عينك متشوف الا النور بقيت تصرخ وتعيط وتقول : ايه البت اللى زى القرف ده ..انا طبعا مش ممكن اعيش فيه ولو دقيقة واحدة.طبعا انا مقدرتش استحمل سيبت البيت ساعتين,وبعد ساعتين لقيتها بتكلمنى على الموبايل و تقولى :اسفة ياحبيبي ..خلاص تعالى انا حضرتللك لقمة تاكلها .انا طبعا مصدقتش نفسي وجريت على البيت.لعشي الجميل.دخلت البيت وشميت ريحة حلوة وانا لسة مفتحتش الباب .سمعت صوتها وهي بتقول/:استنى وشية وغمض عينيك الاول.وغمضت عيى مقدرتش اصبر قلتللها : ايه الريحة الحلوة ديه.قالت :ريحة عود بخور اصلى بخرت البيت.وسحبتنى من ايدى ومصممة انى مفتحش عينى لحد ماوصلنا لنص الصالة وقالت: دلوقتى تقدر تفتح عينك .
وفتحت عينى :يالهووووووووووووووووووووووووووووووووووووى ايه ده .انا فين؟.
عملتى ايه يامجنووونة وقعدت ادور فى البيت وانا بدموعى .مش معقول راحت فين حاجتى اللى كانت هنا,وفين علبة البيبسي اللى كانت على التليفزيون.ودخلت اوضه السفرة ولقيت شموع قلتللها :حرام عليكى,.عاوزة تولعى فى البيت.
كنت شوية وهيغمى عليا *طبعا مقدرش يستحمل ريحة النضافة *وجالى انهيار عصبي واكتئاب حاد,ومن يومها وانا بحن لحياة العزوبية....
ايه رايكوا بقي فى فضايح الرجالة ؟بزمتكوا مش فضايح؟
مستنية ردودكوا على الموضوع.
*منايا*