كلام سحالي بعد الفرح

سحالي راجعين من فرح ومعاهم اخوهم قاعدين بيتكلمو


اخوهم : اركبوا العربية وكل واحده تاخد بالها متقفلش الباب علي عبايتها


وبمجرد ما اتقفل باب العربية بدأ الأستديو التحليلي للفرح كعادة كل الستات
اسمعو الي الستات عادة بيقولوه بعد ما يرجعو من اي فرح


الأولى : ايه الي اخرك كده ؟


الثانيه : ساعه قاعده بدور على عبايتي انتي ما شفتيش السحالي ماسكين في خناق بعض عشان العبايات اتلخبطت في بعضها
وكل واحدة مش لاقةي عبايتها يا اختي


الثالثه : يا ريتنا ما روحنا دي حاجة هم واخر مهزلة

اخوهم : ليه؟


الثالثه : زحمة اوي والعيال بيحدفو بعض بشر البرتقان وبيلعبو بالمية


الأولى : ما شفتيش اللي كبت القهوه على الست اللي كانت نايمه؟


الثالثه : لا والله ما شفتها انا ما شفتش ولا حاجة في الحفلة طول الوقت قاعده ادور على جزمة بنتي مها


الثانيه : ايه رايكم في الفستان اللي كانت هدي لبساه


الأولى : مش حلو خالص وضيق والسوستة باينة من ورا!!


الأولى: انا عجبني مكياج أمل بتقول ان مرات خالها جابتهولها هدية من باريس


الثالثه : هههههههههههه من باريس..باريس مين يا ماما هما لاقيين ياكلو علي ما يشترو من باريس تلاقيها جايباه من سوق الجمعة ولا حاجة


سكتو شوية الحمد لله


***************


الغريب والعجيب انهم كل شوية وسط الكلام يقولو خلاص يابنات ميصحش نتكلم في سيرة حد




الثانيه : صح والله يا اختي عندك حق مينفعش نتكلم علي حد بس شفتي السحليه اللي كانت قاعده جنبي على العشاء وبتقطعلي حتة لحمة؟


الثانيه :اللحمة كبيرة اوي


الثانيه : وفيه ستات ماتعشوش عايشين في الدور قعدين عالكراسي الي في الكوشة معرفش مالهم

الأولى : حتي ام العروسة يا حبة عيني قاعدة طول الفرح بتعيط ومكالتش حاجة


الثالثه : هههههههههه بتعيط من الفرحة يا موكوسة قال هم وانزاح انتي مشوفتيش الفلوس علي قلبها قد ايه


بس خلاص كفاية كلام عالناس

صح بس كفاية كلام بس شوفتي ..... وشوفتيي؟؟؟؟؟؟ ولا شوفتي........

واخيرا وصلوا البيت


اخوهم: شوفولي حبايتين بنادول اكسترا




الأولى : ايوه شفتها هههههههه عمالة تبصبصلك من اول الفرح شكلها طمعانة فيك تجوزك لبنتها المعرقبة


الثانيه : غورة تغورها ي وبنتها الي قاعدة تقطعلي من اللحمة الكبيرة الي متتاكلش


وهي شغالة حتتك بتتك في اللحمة الجميلة الي بتدوب في البق


العشاء


اخوهم: ايه رايكو في العشا


الثالثه :دسم ومليان دهوون


الأولى : بارد شكلو بايت من امبارح كمان






اقتراحات لمن يريد ان يتزوج :


1- صرف حبايتين بنادول لكل راجل يحضر الفرح


2- ممنوع تقديم اللحم والرز والحاجات الي تكسف دي


3- يتم تقديم علب صغيره على شكل وجبات في كل علبه واحدة شوكولاتة كيت كات وعصيرموز باللبن وحبايتين ورق عنب ولبانة سمارة بالمستكة عشان تدعيلك


4- تدفع كل سحليه عشرة جنيه كتأمين عن التخريب والتكسير الذي يقوم به اولادها تكتب هذه الجمله على كرت الدعوه


5-واخيرا يوضع اسم السحليه اللتي لا تلتزم بنظام القاعه في اللآئحه السوداء للقاعه

ودمتم...

يارب تعجبكم

جااااااااااااامده مووووووووووت