ياريتك يااخي ماصليت ع النبي

ياريتك يااخي ماصليت علي النبي حد يقول حرام عليا
في مواقف كتير اوي بتعدي علينا نقول فيها صلي علي النبي
واحد بيحكي حدوته يقولك صلي ع النبي
واحد عصبي وفي خناقه مع واحد تقول يااخي صلي ع النبي
واحد ناسي حاجه وعمال يعصر في دماغه يصلي ع النبي
الرسول قال من صلي عليا صلاه صلي لله عليه بها عشرا
حلو الكلام
لكن في مواقف كتير مش كويسه تلاقي كلمه صلي ع النبي بتطلع بطريقه غريبه اوي
والموقف اساسا ميناسبش نذكر فيها رسول الله لان احنا بنسيء ذكر النبي والعياذ بالله فيها
تقولولي زي ايه
مثلا واحد معدي في الشارع قابلته واحده ماشيه بص عليها من فوق لتحت
كانها خريطه وتلاقيه يقولك صلييييييييي ع النبي
ياريتك يااخي ماصليت ع النبي

واحد قاعد مع واحد يجيب في سيره الخلق تقوله اسكت ودع الخلق للخالق
يقوله ياعم صلي ع النبي ده كذا وكذا وكذا
ياريتك يااخي ماصليت ع النبي

واحد موقف واحد مثلا وليكن ظابط مرور وعليه مخالفه يديله فلوس في ايده
يقوله لا ياعم صلي ع النبي كل سنه وانت طيب
ياريتك يااخي ماصليت ع النبي

واحد قاعد يتفرج علي رقاصه ولااغنيه خليعه يقولك
صلي ع النبي عظمه علي عظمه ياست
ياريتك يااخي ماصليت ع النبي

واللي قاعدين في فرح وبيسمعوا مطرب بيغني يقولك اللي بيحب النبي
يصلي عليه وصلي صلي صلي ع النبي صلي واللي مايصلي ابوه ايه معرفش
ياريتك يااخي ماصليت ع النبي

هشام عباس في اسماء الله الحسني لو شغاله في فرح ناس في قاعه وليكن
والناس اخر خشوع ويجي علي اللهم ماصلي علي اسعد مخلوقاتك
تلاقي الكل بيرقص وكانها اغنيه سلو بيرقصوا عليها

واغاني سامي يوسف اللي كلها ذكر لله وصلاه علي النبي
اللي شغاله في الافراح والناس هايصه عليها
كانها اغنيه العنب لسعد الصغير كل دي مواقف
نقول فيها ياريتك ماصليت علي النبي يااخي

كل حاجه وليها احترامها ورسول الله ليه الاحترام الاكبر والخشوع لما تيجي سيرته

عذرا ياسول الله
وياريتهم ماصلوا علي النبي

عذرا ياسول الله
وياريتهم ماصلوا علي النبي
ووعايز اعرف رايكم

فعلا فيه مناسبات كتير مايتفعش يذكر الصلاة على الرسول فيها كده