mohamed magd نائب المدير
عدد الرسائل : 4359 تاريخ الميلاد : 15/10/1990 العمر : 33 الموقع : www.elnogoom.ahlamontada.com العمل/الترفيه : النت التاريخ : 15/10/1990 نقاط : 7094 تاريخ التسجيل : 01/09/2008
| موضوع: هيــــــــــــصه الأربعاء سبتمبر 10, 2008 4:04 am | |
| في موضوع بجد عاملي قلق في دماغي ليه احنا كشعب مصري بالذات بنموت في الهيصه اوي بجد لما يحصل موضوع تلاقي الكل بيجري وبعد شويه الموضوع يهدي وكل واحد يروح لحاله ولاكان في اي حاجه حصلت
اقرب مثال علي ذلك لما يحصل خناقه في الشارع تلاقي الكل بيجري هييييي خناقه وينزلوا يتفرجوا والشارع يقف والحاله تبقي صعبه والكل متابع ممكن مش يكونوا رايحين يفضوها بس رايحين يتفرجوا رخامه وخلاص من كام يوم كان في خناقه في الشارع اخويا واقف في الشباك لقيته نازل يجري رايح فين يابني رايح اتفرج علي الخناقه طيب ليه استني بس ياستي سيبني اروح اشوف في ايه واجي طيب هاتستفيد ايه ولاحاجه هاتفرج بقي سيبيني قبل ماتخلص
هوا ده طبع فينا ان احنا شعب رخم وفضولي ولاايه بالظبط
مشكله تانيه مشاعرنا وقتيه نحيه كل حاجه سواء جد ولاتهريج ايام الرسوم اللي كانت في الدنمارك والكل قام وهانعمل وهانقاطع وهانبهدل الدنيا وجروبات علي المواقع وتوقيعات في منتديات وبرامج في التلفزيون وبعد شويه ولااكن في حاجه حصلت وانتهي الموضوع واحنا زي مااحنا
ايام انتفاضه فلسطين وانا فاكره من وانا في ثانوي وعملنا مظاهرات ومبارك يعمل خطب وقلبان جامد وبعد شويه نمنا تاني وفوقنا السنه دي علي حصار غزه وفوقنا وعملنا شويه حاجات وبعدين نمنا تاني
ايام صدام حسين وازاي رئيس دوله يتقتل بالطريقه دي وفي يوم عيد وعملنا فرح علي مفيش وبعدين الايام دي نلاقي احنا نفسنا للي بننشر الكليب علي المواقع وحاجات كتير اوي بتحصل
هوا احنا ليه كده وليه بنزعل لما يتقال علينا كلام وحش ولايتسب فينا واحنا اساسا اللي بنجيبه لنفسنا مفيش امل ان احنا نتغير في يوم من الايام ولاهانفضل طول عمرنا كده
عدل سابقا من قبل mohamed magd eldin في الثلاثاء سبتمبر 30, 2008 6:17 pm عدل 1 مرات | |
|
mohamed magd نائب المدير
عدد الرسائل : 4359 تاريخ الميلاد : 15/10/1990 العمر : 33 الموقع : www.elnogoom.ahlamontada.com العمل/الترفيه : النت التاريخ : 15/10/1990 نقاط : 7094 تاريخ التسجيل : 01/09/2008
| موضوع: رد: هيــــــــــــصه الأربعاء سبتمبر 10, 2008 4:04 am | |
| | |
|