تعالي اسمع حدوتة بلدنا

التوريث في بلدنا بقي منهج الحياه

وكانه في القران والانجيل والتوراه

كل واحد عايز ياخد الكرسي لضناه

وكانه ورث للعيله او جده اشتراه

زمان الاسطي كان بيورث صنعته لضناه

لاجل يفضل مكانهاللي في العمر فناه

دلوقت اتفشي في بلدنا وزاد عن مداه

ف التلفزيون تلاقي المذيع ماشابه اباه

وفي السنيما واحد واخد دور بطوله مع باباه

وفي سلك الجامعه وفي سلك القضاه

وبالمناسبات تلاقي المسؤل ابنه وراه

وفي الجامع والعيد يروح بيه الصلاه

لابس البدله وطالع في الصوره معاه

ولو ابن وزير يختار كرسيه علي هواه

ولو كان اعلي من وزير يا سعده يا هناه

يبقي كرسي الحكم في حلم اليقظه ناداه

والقرار في درج المكتب بعد ما بابا مضاه

يا ناس التوريث النهارده في بلدنا ماساه

واللي ملوش بابا علي الكرسي تسمع بكاه

ولو خريج جامعه يتعين رئيس قسم سعاه

ولو دخل قسم البوليس يضرب علي قفاه

وحياته تبقي كلها حيره والم ومعاناه

بعد ما ضاع حقه في البلد وفي الحياه

وينضاف علي طبور المظلومين والحفاه

ويبقي يومه طويل ونهاره زي مساه

ويعيش ايام وليالي مش لاقي عشاه

فاقد كل شيء بيناجي ربه بسرعه لقاه

ويخلص من متاعبه ويخلص من الحياه

وكاتب صحفي كذاب منافق الله جزاه

يكتب عن الوراث ويقول اصل ابوه رباه

والكرسي ما يصلح لاي شخص سواه

ويسبح بصفاته وعقله ويقول الله حماه

يا وطن ما التوريث تعب واتعثر في خطاه

طول ما التوريث فيك متفشي ونهج الحياه

الحق هيضيع فيك والعدل هيفقد مجراه

وهنكتب لمستقبلنا كلنا فيك شهاده وفاه

منقول

لا حول ولا قوة الا بالله
خليك متفائل ممكن حاجة مفاجئة تحصل قريب اوي تقلب كل حاجة في البلد دي .......مين عارف كله في علم الله

يا رب
شكرا علي الرد