خليك بنــى آدم .., محتـــرم ..!

أذا كنت تائهاً فى مكان وعايز تسأل على عنوان أركن على جنب بعيداً عن الطريق وأسأل ...
ما تفرملش فجأة عند أى شخص واقف وتسأله وتستفسر ، متجاهلاً كل الكلاكساااات المعترضة من وراءك لتعطيلك للسير .


أذا كنت بـ تعدى الشارع ... شهـًــل وما تبقاش تنح وتبطىْ فى السير وكأنك داخل تحدى مع العربيات القادمة وتنظر للسائق فى عينه وكأنك بـ تقول له " واذا كان عاجبك "!


اذا ذهبت لحجز تذكرة قطار او سوبر جيت ، قف فى الطابور ... بلاش حركات
" معلش يا جماعة اصل أنا هـ احجز فى القطر اللى قايم حالاً ، أو الاتوبيس اللى كمان 10 دقايق ..."
فككك
مش ذنب حد أنك متأخر كالعادة ..!


اذا قابلت احد أصدقائك على الكوبرى لا تتبادل معه حديث وتقفلوا الحارتين ... ففى النهاية مش هـ تقولوا حاجة مفيدة وما هـ ينوب الناس غير حرقة الدم .


اذا كان يوم فرحك ، مفيش داعى تعمل زفة فى موكب وماشى حواليك 10 عربيات على كام موتسكل على 14 توك توك مش عايزين يعدوا الناس . وكمان تزعل لما الناس تشتمكم وتقول ماعندهمش دم ... ففى النهاية انعدام دمك هو ما تسبب فى انعدام دمهم .


أذا خطفت حته عكســـى وأتقفشت " أنتظروا توبك قانون المرور الجديد فى الكلام الكبير " .. أرجع بالذوق .. بلاش غباوة على الناس وتقف تقاوحهم فى انه ماجراش حاجة يعنى وممكن يرجعوا المتر ده ويعدوك .. حط نفسك مكانهم واحكم على نفسك .
أذا ذهبت الى السينما ... لا تصطحب أطفالك ، واقفل جرس موبايلك ولا ترد عليه ...

ما ترميش حاجة من شباك عربيتك . وطبعاً ما تتفــش !

اذا ركبت قطاراً مفيش داعى تاخد معاك راديو ترانزيزستور من غير سماعات للأذن ، ومفيش داعى تغير رنة موبايلك ، ولا تسمع اصدقائك الـ ( أم بى سرى ) اللى عندك ... وقطعا مفيش داعى تلعب ألعاب من غير ما تلغى الصوت .

أذا ركبت اتوبيساً ... من فضلك أنظر أعلاه .

أذا دخلت نقاشاً .. اعرض وجهة نظرك ، ولا تحاول أثبات صحتها .

أذا لقيت حادثة ما تقفش تتفرج ... أنت غالباً كده معطل الأسعاف !

أذا وقفت فى أشارة ياريت ياريت ياريت ... ما تلعبش فى مناخيرك .

أذا كان عندك فيسبا أو موتوسيكل وطــى صوت المزيكا ، وما تمشيش على الرصيف .

وأخيراً ...
أذا قرأت كل هذا وقلت فى سرك " كل ده كلام بديهــى " ، هـ تعرف قد أيه احنـــا مش محترمين .

Helou very topic and I want your responses P Display الموضوع حلو جدا وعايز اعر ف ردودكم

هههههههههههههههههههههههههههههة.
ايه ياعم الكلام ده كله. ده انا اكتشفت انى محترمة جدا على كدة...
موضوعك جميل يامحمد كالمعتاد...

انا محترم غصب عنك

موضوع جميل